Қаржы министрі Ерұлан Жамаубаев былтыр қызметі кәсіпкерлікпен байланысты блогерлер 200 миллион теңге салық төлегенін айтты, деп жазады Egemen.kz.
«Қазірдің өзінде елімізде 400-ден астам блогер тіркелген. 2023 жылы 200 миллионнан аса теңге салық төледі. Егер олардың қызметі кәсіпкерлікпен байланысты болса, олар салық төлеу керек. Оған арнайы салық режимдері бар. 1 пайыздан 4 пайызға дейінгі жүктеме. Егер олардың жұмысы кәсіпкерлікпен тікелей байланысты болмаса ешқандай сұрақтар туындамайды. Салық төленбейді», деп түсіндірді Қаржы министрі Ерұлан Жамаубаев.