Синоптиктер ақпан айының 6-8 күндеріне арналған ауа райы болжамын жариялады, деп хабарлайды Egemen.kz.
Болжам бойынша, ауа райының тұрақсыз сипаты әлі де сақталады.
Солтүстік-батыс циклонының әсерінен еліміздің басым бөлігінде қатты жауын-шашын күтіледі. Солтүстік өңірлерде қар жауса, оңтүстік аймақта қар аралас жаңбыр жауады. Сондай-ақ бұрқасын жел күшейіп, көктайғақ пен тұман түсетіні болжанып отыр.
Мамандар температуралық фонда айтарлықтай өзгерістер болмайтынын да қоса хабарлады.