Бірінші айналымды автоматты түрде артқа тастап, доданы 1\8-финалдан бастаған Валентина Хальзова бүгін түрік боксшысымен кездесті, деп хабарлайды Egemen.kz.
2021 жылы әлем чемпионы атанған түркиялық Бурса Исилдармен жұдырықтасқан 75 келі салмақтағы Валентина Хальзова қарсыласын 4:1 есебімен жеңді. Аталған жекпе-жектің толық нұсқасын Qazsporttv-дің YouTube арнасынан тамашалауға болады.
Бусто-Асрицио (Италия) қаласында өтіп жатқан лицензиялық турнирде отандасымыз енді 11 наурызда ширек финалдық айқасқа шығады, жеңсе Париж Олимпиадасы лицензиясын алады.