Атырау облысында төтенше жағдай режимі жарияланғалы бері ауыз судан 800-ге жуық сынама алынған, деп жазады Egemen.kz.
Ауыз судан алынған 800-ге жуық сынаманың 24 жағдайында судың лайлылығы, дәмі гигиеналық нормативке сай болмай шықты.
«Мамандар су қондырғыларын тазалау жұмыстарын жүргізді. Сондай-ақ ашық су көздерінен 98 сынама алынды. Тасқын болып жатқан аумақтарда судың сапасын бақылауға арналған жұмыстар күшейтіліп жатыр», деді облыстық санитарлық-эпидемиологиялық бақылау департаментінің бөлім басшысы Айгүл Сабырқызы.