Спорттың әйгілісі шахмат пен боксты кім білмейді? Бірақ шахбоксті естігендер некен-саяқ.
Атауынан аңғарғанымыздай, бұл бәсеке шахмат пен бокстың қосындысы. Аталған ойынның концепциясы Энки Билалдың «Froid-Equateur» роман-комиксіне негізделіп жасалған. Кейін Ипе Рубинг бұл қиялды шынайы өмірде іске асырды. Жарыс барысы қалай болатыны кім-кімге де қызық шығар? Жалпы, ойын 11 раундтан тұрады. Тақ санды раундтарда – қарсыластар шахмат ойнап, ми «жарыстырса», жұп санды раундтарда қолғап түйістіріп, физикалық күштің көмегіне жүгінеді. Жеңімпаз нокаутқа немесе мат қоюға байланысты анықталады.