Сырқаты ауыр балаларға қамқорлық

Денсаулық сақтау ми­нистрі­нің бұйрығымен бекітілген құжат он­ко­­­логиялық және гемато­ло­гия­­­лық аурулары бар балаларды диагностикалау мен емдеудің сапасын жетілдіреді. Яғни бұл бас­тама медициналық көмектің бар­лық деңгейін, бастауыштан ма­мандандырылған медицина­лық көмекке дейін жақсартуға ба­ғыт­талған. Статистикаға үңілсек, елде диспансерлік есепте қатер­лі ісіктердің ремиссиясында 4 000-ға жуық бала бар. Ол аздай, жыл сайын орта есеппен 600-ге жуық баладан осы дерттің белгілері ­анық­талады.

Балалар онкологиясы мен гема­тологиясының ауруларын емдеуде ерекше әдіс-тәсілді қажет етеді. Өйткені балаларда кездесетін аурудың осы түрі құрылымы, нәтижелері және емдеуде әдіс­тері жағынан ересектерден ерек­шеленеді. Жаңа стандарт кіш­кен­тай пациенттерге кешенді және тиімді көмек көрсетуге барлық талап пен ұсынымды тұң­ғыш рет бір құжатқа біріктіріп отыр. Емдеу­дің жаңа әдіс-тәсіл­дері, ережелері, бәрі-бәрі түгел құжатта бекітіл­ген. Айта кету керек, бұрын-соңды елде онколо­гия­лық, гематология­лық ауру­лары бар балаларды диаг­нос­тикалау мен емдеудің қағида­лары топтастырылған дәл осын­дай құжат болмаған.

Бекітілген стандарттар им­му­­но-гистохимия және имму­нофенотиптеу секілді диаг­нос­тиканың озық әдістерін, сондай-ақ жоғары дозалы химиотерапияны, ағза­ны сақтайтын операцияларды және гемопоэздік дің жасушала­рын транспланттаудың барлық түр­ін қолдануды көздейді. Бұл аурулар­­ды мейлінше жылдам әрі дәл анық­тау­ға және тиім­ді емдеуге мүмкін­дік береді. Бала­ларды диагностика­лау және емдеу онколог мамандар­дың, хирург­тер­дің, реаниматологтер­­­дің және басқа да дәрігерлердің муль­ти­дис­циплиналық команда­ның қаты­суымен көпбейінді балалар стацио­нарларында іске асырылатын мін­детті көп деңгейлі тәсіл де алғаш рет енгізілді. Осылайша, әрбір балаға бір бағытта ғана емес, жан-жақты медициналық көмек көрсетіледі.

Жаңа стандартпен балалар емде­летін медициналық ұйым­дарды жарақтандыру жө­нін­де де нақты талаптар бел­гіленген. Онкология­лық және гемато­ло­гиялық көмекті үй­лесімді ұйым­дастыру үшін әуелі медицина­лық ұйымдардың керек-жарағы түгел болуға тиіс. Бірді-екі­лі кем­ші­ліктер дәрігерлерге қол­бай­лау болмауы қажет. Сонда ғана онко­логиялық және гематоло­гия­­лық ауруға шалдыққан балалар­ды емдеу бойынша бекітіл­ген талап­тар орындалып, емдеу сапасы жоғарылайды. Осыған қоса, құ­­жат­та науқастардың ауруханада болу мерзімін қысқарту және бала­лар­­­ды үйге жақын меди­ци­налық ұйым­­да емдеу мүм­кін­дігі қарастырыл­ған. Бұл талап сыр­қаттанған бала­лар­дың отба­сына жүктемені азай­ту мақ­сатында қабылданып отыр. Бір сөз­бен айт­қанда, жаңа стандарттар бала­лар онкологиясы мен гема­тологиясы бағытында отан­­дық меди­цинаның әлеуетін ны­­ға­й­туға мүмкіндік береді, ем­ша­ра­лар­дың тиімділігін арттыруға септеседі.