Италияның Турин қаласында өтетін XXXII Дүниежүзілік қысқы универсиадаға қатысатын ел намысын қорғайтын спортшы студенттеріміздің бірінші тобы жолға шықты, деп жазады Egemen.kz.
8 қаңтардан 9 қаңтарға қараған түні Туринге бірінші болып хоккей жарысында жүлдеге таласатын Қазақстан құрамасының өкілдері ұшты. Олардың ішінде қысқы универсиаданың ашылу салтанатында мемлекеттік туды алып шығатын хоккейші Абылайхан Сүлейменов те бар. Сондай-ақ 9 қаңтардан 10 қаңтарға қараған түні шаңғы жарысы бойынша 16 адам, парашаңғы жарысы бойынша атлет универсиадаға аттанды.