Биылғы жылдың алғашқы үш айында Қазақстанға 4923 адам келген, ал 1122 адам елден кеткен, деп хабарлайды Egemen.kz Ұлттық статистика бюросына сілтеме жасап.
Миграциялық сальдо +3801 адамды құрап отыр – бұл Қазақстанда өмір сүруді таңдаушылардың саны елден көшіп жатқандардан әлдеқайда көп екенін білдіреді.
Келген мигранттардың көпшілігі – ТМД елдерінен, олардың үлесі 84,1%-ды құрайды. Ең көп келгендер – Өзбекстаннан (2614 адам) және Ресейден (982 адам).Тағы 783 адам басқа елдерден келген – олардың ішінде ең көбі Қытайдан (427 адам), Моңғолиядан (129 адам) және Түркиядан (57 адам).
Жаңа қоныстанушылар үшін ең тартымды өңірлер – Алматы облысы (1649 адам), Маңғыстау облысы (764 адам) және Алматы қаласы (687 адам) болды.
Келгендердің басым бөлігі (61,7%) – 20 мен 44 жас аралығындағы азаматтар.
Алина ҚАЙРАТҚЫЗЫ,
ЕҰУ 2-курс студенті