Қазалы аудандық сотында жергілікті тұрғынға қатысты Қазақстан Республикасының ӘҚБтК-нің 73-бабының 1-бөлігімен әкімшілік құқық бұзушылық туралы іс қаралды, деп хабарлайды Egemen.kz.
Сотта оның туған қызына балағат сөз айтып, отбасы тыныштығын бұзғаны белгілі болған.
Азаматтың құқық бұзушылық әрекеті сотта іс құжаттарымен толық дәлелденді. Алайда жәбірленуші қыз әкесі тарапынан ауыр сөздерді көтере алмай, арыз түсіргенімен сот отырысында кешірім берді.
Жәбірленушімен татуласуына байланысты әкімшілік құқық бұзушылық іс тоқтатылды.