Көлік министрлігінің мәліметінше, «Астана - Орал» пойызына жаңа үш плацкарт вагон қосылған, деп жазады Egemen.kz.
«Сары-Арқа компани» мекемесі ұсынған жаңа вагондардың ішінде кондиционерлер, тоңазытқыштар, арнайы пештер, розеткалар мен гаджеттерді қуаттауға арналған USB-ұяшықтар орнатылған. Қауіпсіздік үшін бейнебақылау камералары мен 4G-модемдер қойылған, ал қызмет көрсету сапасын арттыру мақсатында жолаушыларға QR арқылы пікір қалдыру жүйесі енгізілген.
Айта кетейік, тасымалдаушы бұған дейін ерекше қажеттілігі бар жандарға арналған арнайы вагонды іске қосқан.