Біріккен Ұлттар Ұйымы Мосулдың батысына көмек жеткізу ісіне кірісті, деп хабарлады 24.kz.
Бұл аудандар «Ирак пен левант» тобынан бірер күн бұрын ғана азат етілген. Халықаралық ұйым өкілдерінің айтуынша, соңғы бірнеше күн ішінде лаңкестерден арылған аймаққа екінші рет гуманитарлық көмек толық таратылды. Мұнда шамамен 5 мың тұрғын азық-түлік пен ауыз суға қол жеткізген. Жергілікті ақпарат құралдарының хабарлауынша, соғыс оты шарпыған өңірден басын ала қашқандардың қарасы әлі де қалың.
Айта кетейік, соңғы 18 күнде Мосулдың батыс аудандарын 57 мың адам тастап шыққан. Ал соңғы тәуліктерде олардың қатары тағы 3 жарым мың адамға артқан.