2019 жылғы 31 мамырда Қазақстан Республикасының Премьер-Министрі Асқар Мамин Ашхабадта (Түрікменстан) Тәуелсіз мемлекеттер достастығы Үкіметтерінің басшылары кеңесінің отырысына қатысады. Бұл туралы Премьер-Министрдің баспасөз қызметі хабарлады.
ТМД қатысушы-мемлекеттер Үкіметтерінің басшылары достастықтағы экономикалық өзара іс-қимылдың өзекті мәселелерін талқылайды. Сондай-ақ ғылым және инновациялар, кедендік бақылау, зияткерлік меншік нысандарына құқықты қорғау және т.б. саладағы ынтымақтастық тетіктерін қарайды.
Отырыс қорытындысы бойынша бірқатар құжатқа қол қою жоспарланған.