Елордада бір ай бойы 45 теңгеге жол жүруге болады

Акцияны ұялы байланыс операторларының бірі ұсынып отыр.    «SMS және QR-код арқылы жол ақысын төлеу кезінде теңгерімнен толық жол ақысы алынады, кейін теңгерімге 45 теңге қайтарылады. Жол ақысын төлеу үшін теңгерімде кем дегенде 91 теңге болуы тиіс. Акция кезінде күн сайын 45 теңгеге арзан екі сапар жасауға болады. Үшінші сапардан бастап жол жүру құны қалалық бағдарлар үшін әдеттегі 90 тг болады. Бұл акция тек қалалық бағдарларда қолжетімді болады» делінген хабарламада.