Ауа райының қолайсыздығына байланысты Аюсай шатқалынан жоғары қарайғы жол учаскесі мен Шымбұлақ-Эдельвейс тасжолы жабылды, деп хабарлайды Egemen.kz.
«25 ақпанда Үлкен және Кіші Алматы өзендерінің алаптарында айтарлықтай жауын-шашынның түсуіне және қар жамылғысының тұрақсыз жай-күйіне байланысты Аюсай шатқалынан жоғары жол учаскесі жабылып, Шымбұлақ-Эдельвейс тасжолы бойына блок бекеттер қойылды», делінген Алматы қаласы Төтенше жағдайлар департаментінің хабарламасында.
Департамент мәліметінше, аталған орында полиция департаментінің 2 экипажы кезекшілікке қойылған.