Бүгін Аршалы ауданының аумағында Екатеринбург - Алматы автожолында жол апаты болды, деп хабарлайды Egemen.kz.
Polisia.kz мәліметінше, Toyota Camry автокөлігінің жүргізушісі жылдамдық режимін сақтамай, бір бағытта кетіп бара жатқан тіркемесі бар КамАз-ға соғылған.
Салдарынан жүргізуші мен жеңіл көліктің екі жолаушысы зардап шекті.
Полиция қызметкерлері жол жүру ережесін мүлтіксіз сақтауды, шаршаңқы күйде көлік құралын жүргізбеуді ескертті.