8-13 қыркүйек аралығында Қазақстан астанасында 5-ші Дүниежүзілік көшпелілер ойындары өтеді. Қазіргі уақытта Асық ату, Ордо, Арқан тарту, Қазақ күресі, Ашыртмалы аба гүреши, Құраш, Кораш, Алыш, Мас-рестлинг, Дәстүрлі садақ ату сияқты жарыстардың түрлеріне билеттер онлайн-сатылымда бар, деп хабарлайды Egemen.kz 5-ші Дүниежүзілік көшпелілер ойындарының дирекциясына сілтеме жасап.
5 тамыздан бастап барлық ниет білдірушілер үшін ойындардың ашылу салтанатына билеттер қолжетімді болады. Халықтың кейбір санаттары үшін жеңілдіктер қарастырылған.
Толық ақпаратты мына сілтеме бойынша алуға болады: https://worldnomadgames.kz/kz.
Айта кетейік, 5-ші Дүниежүзілік көшпелілер ойындары 8-13 қыркүйекте Астанада өтеді. Іс-шараға әлемнің 89 елінен 2000-ға жуық спортшы қатысады. Спорттың 21 түрінен 97 медаль жиынтығы сарапқа салынады.
Спорттық жарыстар мен мәдени іс-шараларға 100 мыңнан астам турист келеді деген болжам бар.