Жаппай сырғанау маусымы ашылатын күні №12 автобус бағытын «Медеу» биік таулы мұз айдынына дейін ұлғайту жоспарланып отыр, деп хабарлайды Egemen.kz.
Осы және басқа да ақпараттарды таратқан Алматы әкімдігінің баспасөз қызметінің мәліметінше, 1 қарашада «Медеу» мұз айдыны техникалық режимде іске қосылады. 2 қарашада «Медеу» биік таулы мұз айдынында жаппай сырғанаудың жаңа маусымының салтанатты ашылуы өтеді.
Алматы спорт ғимараттарының дирекциясы билеттерді www.medeu.kz ресми сайты арқылы сатып алуды және қоғамдық көліктерді пайдалануды ұсынып отыр.