Саксофонды 1846 жылы бельгиялық азамат Адольф Сакс ойлап тапқан. Бірақ бір қызығы, өнертапқыш бұл аспапты «мундштучты офиклеид» деп атаған. Айтуға да, оқуға да қиын сөз.
Сол себепті Адольф Сакстың досы, әйгілі композитор Гектор Берлиоз жаңа аспап туралы мақала жазып, оны алғаш рет «саксофон» деп таныстырды. Бұл атау әлдеқайда жеңіл әрі есте сақтауға оңай болғандықтан, халық арасында тез тарады. Осылайша, кездейсоқ таңдалған бұл термин жұрт жадында жатталып, саксофон әлемдегі ең танымал аспаптың біріне айналды.