6 наурыз сағат 17.54-те Жаңаөзеннің Шаңырақ шағын ауданындағы мешіттен өрт шыққан, деп жазады Egemen.kz.
Дәліздегі кілемнің 40 шаршы метр алаңы тұтанып, өрт 350 шаршы метр алаңға тараған. Құтқарушылар қызыл жалынды 18: 10-да толық сөндірген.
Облыстық төтенше жағдайлар департаменті өрттен 2013 жылы туған бала зардап шеккенін хабарлады.
lada.kz-тің хабарлауынша, баланың екі құлағы, беті, мойыны, екі қол, бел аймағы және жоғарғы тыныс жолдарын I-II-III дәрежелі термиялық күйік шалған. Денесінің 15-17% зақымданып, ауруханаға жатқызылған.
Жаңаөзен қалалық көпсалалы ауруханасынан қазір баланың жалпы жағдайы ауыр деп бағалап отыр. Сондай-ақ, шокқа қарсы инфузиялық терапия жүргізілетінін де мәлімдеді.