Ассамблея жастарының форумы

Облыс әкімі форум жұ­мысына сәттілік тілеп, еліміздің әр өңірінен жиналған жастарды Қазақстан халқы Ассамблеясының 30 жылдық мерекесімен құттықтады. Жастарға өңірде қолға алынған бас­тамалар туралы айтып өтті.

Ассамблеяның 30 жылдығы аясында Қызылорда қаласында Достық үйі бой көтеріп келеді. Алда келе жатқан Қазақстан хал­қының бірлігі мерекесі күні облыс орталығынан Шығармашы­лық академиясы ашылып, қайта жаңғыртудан өткен заманауи демалыс паркі ел игілігіне пайда­лануға беріледі.

Сенат депутаты  Нұрия  Ниязова жастар ассамблеясы жүзеге асырып келе жатқан жобаларға тоқ­талды. Жастар ұйымдары өкілдері елімізде волонтерлікті дамытуға да үлкен үлес қосып келеді.

Форум отырысында Ғылым және жоғары білім министрлігі­нің Жоғары және жоғары оқу орнынан кейінгі білім комитеті төрағасының орынбасары Ақер­ке Абылайхан, «Ассамблея жастары» республикалық қоғам­дық бірлестігінің төрағасы Тимур Жұмырбаев жасампаз істің басында жүретін жастарға сәттілік тіледі.

Республикалық форумға елі­міздің әр өңірінен келген жас­тардың қатысуымен Қорқыт ата атындағы Қызылорда уни­вер­си­тетінің «Kyzylorda Hub» коворкинг орталығында «Жасан­ды интеллект: мүмкіндігі­ мен әлеуеті» тақырыбында секция жұмысы өтті. Оның аясында университет жанынан «Студенттік ассамблея» орталығы ашылып, төрағалығына өңірлік «Ассамблея жастары­ның» белсендісі Исмаил Махадинов таға­йындалды. «Жасыл бола­шаққа – жас­тармен бірге!» ұранымен оқу орнының ботаникалық бағын­да ағаш егу акциясы ұйым­дастырылды.

Ал «Болашақ» университе­тін­де өткен секциялық отырыс жұмыс­­шы мамандығының маңызды­лы­ғын арттырып, жас­тардың кәсіп­тік бағдарын ай­қындауға ар­налды. Форум қонақтары уни­верситет инфра­құрылымымен, арнайы кабинеттермен, жылыжай жұмысымен танысты.

Форум қонақтары осыдан 100 жыл бұрын ел орталығы атанған қаланы аралап, «Қорқыт ата» мемориалды кешені мен «Байқоңыр» ғарыш айлағына экскурсия жасады. Сапар соңында жастар ҚХА-ның 30 жылдығы эмблемасы бейнеленген тудың ғарышқа ұшырылғанына куә болды.

Қызылорда