Әлемдегі ең шалғай әрі шағын елдердің бірі Тувалуда алғаш рет банкоматтар орнатылды. Бұған дейін Тынық мұхиты аралының тұрғындары кез келген қаржылық операцияны тек қолма-қол жүргізіп келген.
Елдегі алғашқы банкоматтар Ваиаку ауылында орнатылып, салтанатты түрде ашылған. Іс-шараға премьер-министр Фелети Тео бастаған жоғары лауазымды тұлғалар қатысты. Қазір Тувалуда шамамен 12 мың адам тұрады. Жаңа банк технологияларын шамамен 6 мың клиент пайдаланады деп күтіліп отыр.