Алдағы күндері Қазақстанда ауа райы құбылмалы болады, деп хабарлайды Egemen.kz.
"Қазгидромет" РМК мәліметінше, көп өңірде жаңбыр жауып, найзағай ойнайды, жел күшейіп, кей жерлерде бұршақ түсуі мүмкін.
Нөсер жаңбыр жауатын өңірлер:
27 сәуір – Батыс Қазақстан және Ақмола облыстары;
28 сәуір – Қостанай, Ақмола және Солтүстік Қазақстан облыстары.
Елдің батысында, шығысында және оңтүстік-шығысында тұман түсуі мүмкін.
Сонымен қатар 26 сәуірде түнде Абай облысында, ал 26-27 сәуірде Шығыс Қазақстан облысында температура -1…-3 °C дейін төмендеп, үсік жүреді деп болжанып отыр.