2024-2025 оқу жылында орта білім беру ұйымдарындағы педагогтер саны 412 мыңға жеткен. Бұл өткен жылмен салыстырғанда 14 мыңға көп. Оқу-ағарту министрлігі осылайша, Қазақстан мектептерінде педагог тапшылығы жойылғанын мәлімдеді, деп жазады Egemen.kz.
«Педагогтар санының артуы еліміздің орта білім беру жүйесіндегі кадр тапшылығын жоюға мүмкіндік берді. Бүгінде еліміздегі мұғалімдердің 73%-ы жоғары біліктілік санатына ие. Бұл - кәсібилік пен білім сапасының маңызды көрсеткіші», деді Оқу-ағарту министрлігінің ресми өкілі Мереке Амангелдіқызы.
Президенттің бастамасымен биыл алғаш рет бірден екі мұғалімге «Еңбек Ері» атағы берілген. Тағы 36 мұғалім мемлекеттік наградалармен марапатталып, 64-і «Үздік педагог» деп танылған. Олардың барлығы мемлекеттен 1000 айлық есептік көрсеткіш мөлшерінде 3,5 миллион теңгеден астам сыйақы алған.