ҚР Өнеркәсіп және құрылыс министрлігі мемлекеттік қызметтерді цифрландыру шеңберінде өңірлік әкімдіктер жер қойнауын пайдалану саласындағы мемлекеттік қызметтерді Жер қойнауын пайдаланудың бірыңғай платформасы (ЖҚПБП) – арқылы табысты түрде көрсетіп жатқанын хабарлайды.
Платформа арқылы жергілікті атқарушы органдардың құзыретіне кіретін келесі мемлекеттік қызметтер электрондық форматта ұсынылады:
- кең таралған пайдалы қазбаларды (КПҚ) өндіруге лицензия беру,
- старательдік қызметке лицензия беру,
- КПҚ бойынша көміртекті масса шығару бойынша рұқсат беру,
- жер қойнауын пайдалану құқығын кепілге беру шарттарын тіркеу,
- жер қойнауын пайдалану лицензияларына қосымша келісімдер жасау,
- КПҚ бойынша геологиялық және тау-кен алаңын беру және қайта рәсімдеу.
«Жер қойнауын пайдаланудың бірыңғай платформасы — бұл барлық жер қойнауын пайдаланушылар үшін, оның ішінде жергілікті атқарушы органдармен өзара іс - қимыл жасау үшін өзара іс-қимылдың ыңғайлылығы мен ашықтығын қамтамасыз ететін цифрлық құрал», – атап өтті Өнеркәсіп және құрылыс вице-министрі Жәннат Дүбірова.
Жыл сайын жер қойнауын пайдаланушылар өткен жылға арналған лицензиялық-келісімшарттық учаскелер (ЛКУ) бойынша есепті тапсыруға міндетті. Осы жылы есеп беру тек электрондық түрде ЖҚПБП платформасы арқылы жүзеге асырылды.
Министрлік жергілікті атқарушы органдар мен жер қойнауын пайдаланушыларға қолдау көрсету мақсатында ақпараттық-коммуникациялық құралдарды пайдалана отырып, оқыту іс-шараларын өткізді. Бұл кездесулер аясында жүйемен жұмыс істеу бойынша әдістемелік көмек көрсетілді, соның ішінде келісімшарттар мен лицензияларды реестрге енгізу жұмыстары жүргізілді.
Жер қойнауын пайдаланушылардың келісімшарттары мен лицензиялары жергілікті атқарушы органдардың қызметкерлері тарапынан толық көлемде реестрге енгізілді. Ел бойынша жалпы 1164 келісімшарт пен 774 КПҚ лицензиясы тіркеліп, 1539 ЛКУ есебі тапсырылды. Бұл өз кезегінде цифрлық есептілікке толық және уақытылы көшуге мүмкіндік берді.
Өңірлердің басым бөлігінде ЛКУ бойынша есептілік 100% көлемде тапсырылып, бұл мемлекеттік органдардың цифрлық дайындық деңгейінің жоғарылығын және ведомствоаралық тиімді өзара іс-қимылды көрсетеді. Министрлік ЖҚПБП платформасының мүмкіндіктерін жетілдіру және пайдаланушыларға әдістемелік қолдау көрсету жұмыстарын одан әрі жалғастыратын болады.