АҚШ президенті Дональд Трамп ғаламтор кеңістігінде рұқсатсыз жарияланған интимдік мазмұндағы фотосуреттер мен бейнематериалдарға, сондай-ақ жасанды интеллект арқылы жасалған дипфейктерге тыйым салатын жаңа заңға қол қойды, деп жазады Egemen.kz.
Құжатқа сәйкес, енді мұндай контентті тарату қылмыстық әрекет деп танылып, заң алдында жауапқа тартылатын болады. Сондай-ақ, интернет-платформалар мен әлеуметтік желілер жәбірленушілерден шағым түскен жағдайда, екі тәулік ішінде сәйкес материалды өшіруге міндетті.
Аталған заңның қабылдануына АҚШ-тың бірінші ханымы Мелания Трамп та өз ықпалын тигізген. Ол наурыз айында Капитолийге барып, Конгресс өкілдерін бастаманы қолдауға шақырған болатын. Оның араласуы нәтижесінде құжат заңды түрде бекітілді.