АҚШ-та жүлдегер атанды

Массачусетс штатын­да­ғы Вустер қала­сын­да орналасқан «Worcester Polytechnic Institute» базасын­да өткен «WPI Annual FLL Event» (WAFFLE) атты ха­лық­аралық роботтехника чем­пионатына қаты­сушылар әлем­нің 108 елінен келіпті. 650-ге тар­та команда қатыс­қан са­йыс­та әр команда өз жобасы мен инно­вациялық идеясын ортаға салып, ең мықтыны анықтаған.

– Осы байрақты бәсекеде Орал қаласындағы Назарбаев зият­керлік мектебінің оқушылары құрған «Tidal Tumble» командасы «Engineering Excellence Awards» аталымында 2-орын алып, жүлде­гер атанды. Бұл – тек мектептің ғана емес, тұтас Қазақстанның жетістігі! – дейді аталған мектептің баспа­сөз хатшысы Гүлназ Нұғманқызы сүйінші хабарды жеткізіп.

Құрамында Әлихан Серік, Тайыр Назар, Әділет Сейтенов, Ілияс Серіков, Тайыр Уәшев, Нұрымхан Беркін, Әділхан Сері­ков, Фаррух Төреқожа, Азат Әбдірахманов сынды жас зият­керлер бар оралдық команда «Agua Aeris» атты ауадан су өнді­ретін құрылғыны жаһандық ға­лымдарға та­ныстырған. Сөйтіп, ел намысын қор­ғай отырып, қазақ жастарының ақыл-парасатын, бі­лімін және ин­же­­нерлік қабіле­тін әлемге әйгіледі.

«AquaAeris — бұл ауызсу тап­­­шылығы мәселесін шешуге ар­налған инновациялық жоба. Құрылғы ауадан ішуге жарамды суды өндіре отырып, әлемнің кез келген нүктесінде сенімді әрі экологиялық таза су көзімен қам­тамасыз етуге мүмкіндік береді. Бұл құрылғы ауызсу тапшылығы мәселесін шешуге көмектесіп, суас­ты әлеміне түсетін жүкте­мені азайтады», дейді команда­ның ғылыми жетекшісі Армат Болатұлы.

Осылайша, оралдық зияткер­лер робот құрастырып, жоба қор­ғап қана қоймай, Қазақстанның атын жер-жаһанға танымал етті.

Батыс Қазақстан облысы