25 медиаборд пен 5 LED-экранда күн сайын абаттандыру мен тазалыққа қатысты ақпарат жаңартылып отырады. Сонымен қатар апталық статистика 53 қалалық маршруттағы экрандарда көрсетіледі, деп жазады Egemen.kz.
Аталған құрылғылар арқылы – шығарылған қатты тұрмыстық қалдықтар (ҚТҚ) және ірі көлемді қоқыс көлемін, шабылған шөп пен тазаланған көшелер санын, сондай-ақ жойылған бейберекет қоқыс үйінділерінің санын бақылауға болады.
«Ақпарат күн сайын жаңартылып отырады, ол коммуналдық және мердігер ұйымдардың жұмысы негізінде қалыптастырылады. Тұрғындар көріп отыруы үшін – жағдайдың шынайы көрінісі, ешқандай әсемдеусіз және сүзгіден өткізілмей беріледі. Қарағанды өзгеріп келеді. Уәделер арқылы емес, нақты статистика арқылы. Цифрлар сөзден гөрі әсерлі сөйлейді», деп түсіндірді қалалық әкімдік қызметкерлері.
Мұндай тәсіл қалалық қызметтердің жұмысын ашық етіп қана қоймай, тұрғындарды да үдеріске тартуға септігін тигізеді.
«Өйткені нәтижені осы жерде, дәл қазір көрсең – өзің де соның бір бөлшегі болғың келеді», деді әкімдік өкілдері.