Белгілі қазақстандық ғарышкер Талғат Мұсабаевпен қоштасу рәсімі 6 тамызда өтеді, деп хабарлайды Egemen.kz.
«Қарулы Күштер ардагерлері» республикалық қоғамдық бірлестігінің Алматы қалалық филиалы хабарлағандай, Мұсабаевпен қоштасу рәсімі 6 тамыз күні таңғы сағат 09:00-де Алматыдағы Офицерлер үйінде өтеді. Бұдан кейін 28 гвардияшы-панфиловшылар атындағы саябақта митинг болады. Талғат Мұсабаев Кеңсай зиратына жерленеді.
Еске салайық, кеше 4 тамыз күні ғарышкер Талғат Мұсабаев 75-ке қараған шағында өмірден өтті. Қазақстан Президенті Қасым-Жомарт Тоқаев әйгілі ұшқыш-ғарышкердің қайтыс болуына байланысты көңіл айтты.
Талғат Мұсабаев 1951 жылы 7 қаңтарда Фабричное ауылында (Алматы облысы, Жамбыл ауданы) дүниеге келген. Ол Қазақстанның Халық Қаһарманы, Қазақстан Республикасы авиациясының генерал-лейтенанты, техника ғылымдарының докторы. Қазақстан Республикасы Ұлттық ғарыш агенттігінің төрағасы (2007-2016), Қазақстан Республикасы Парламенті Сенатының депутаты (2017-2023) болды.