«Қазгидромет» РМК баспасөз қызметі 16, 17 және 18 тамызға арналған ауа райы болжамын жариялады, деп хабарлайды Egemen.kz.
Алдағы үш күнде елдің солтүстігінде, солтүстік-батысында, шығысында, ҚР орталығында нөсер жаңбыр жауады, елдің батыс жартысында температураның көтерілуі, республиканың шығыс жартысында температураның төмендеуі күтіледі.
«Солтүстік-Батыс циклоны Қазақстан аумағының басым бөлігінің ауа-райына әсер етеді, онымен солтүстігінде, солтүстік-батысында, шығысында, ҚР орталығында қатты жаңбыр жауады, найзағай, бұршақ және қатты жел соғады», делінген хабарламада.Тек оңтүстік-батыста, 17-18 тамызда батысында, 18 тамызда республиканың орталығында жауын-шашынсыз ауа райы болады.
«Қазақстан бойынша желдің күшеюі болжануда, түнде және таңертең солтүстігінде, шығысында, орталығында тұман болуы мүмкін», деп хабарлады «Қазгидромет» РМК.