Әділет министрлігі заңдылық пен құқықтық тәртіпті қамтамасыз етудегі негізгі құқықтық базаны қалыптастыруда шешуші рөл атқарады. Соңғы жылдары ведомство заңнаманы жетілдіру, құқықтық рәсімдерді оңайлату және азаматтар үшін сот төрелігін барынша қолжетімді ету бағытында ауқымды жұмыс жүргізіп жатыр, деп хабарлайды Egemen.kz.
Бұл ретте ең маңызды бағыттардың бірі – қылмыстық және әкімшілік құқық саласын жетілдіру. Жаңа нормалар жеке құқықтарды қорғауды күшейтуге және қайталама қылмыс деңгейін төмендетуге бағытталған.
Әділет министрі Ерлан Сәрсембаевтың айтуынша, жүргізіліп жатқан реформалардың басты мақсаты – заңнаманың сапасын арттыру және оның әділ қолданылуын қамтамасыз ету.
«Біздің әділет саласында, сот жүйесінде және жалпылама алғанда жүргізіп жатқан реформаларымыз бірінші кезекте заңнаманың сапасын арттыруға, соның ішінде, ең алдымен заң бәріне бірдей деген қағидаға негізделген, ал онда орнатылған тәртіп талаптары заңды әділ қолданылу салдары ретінде танылуы тиіс», деді министрі.
Бұл шаралар Президент Жолдауында айқындалған заң үстемдігін қамтамасыз ету және азаматтардың құқықтарын қорғау міндеттерін іске асыруға бағытталған.