• RUB:
    6.68
  • USD:
    520.93
  • EUR:
    609.07
Басты сайтқа өту
Оқиға Бүгін, 14:45

Шымкентте полиция қызметкері қағып кеткен әйел көз жұмды

30 рет
көрсетілді

Қайғылы жағдай 28 тамыз күні Желтоқсан көшесінде, Шымкент қалалық полиция департаментінің маңында болған, деп хабарлайды Egemen.kz.

Құқық қорғау органдарының мәліметінше, әйел адам ағаштардың арасынан кенеттен жүгіріп шығып, белгіленбеген жерден жолды кесіп өтпек болған. Салдарынан ол ауыр жарақат алып, көз жұмған. «Аталған фактіге байланысты қылмыстық іс қозғалды. Алдын ала деректерге сәйкес, жүргізуші тарапынан жол қозғалысы ережесін бұзу анықталған жоқ. Ол көлікті айқын жағдайда жүргізген және жылдамдық режимін сақтаған. Қазіргі уақытта кешенді тергеу іс-шаралары жүргізіліп жатыр. Оның қорытындысы бойынша процессуалдық шешім қабылданады», деп хабарлады Шымкент қаласының полиция департаменті.  Қазіргі уақытта аталған оқиғаға байланысты кешенді тергеу іс-шаралары жүргізіліп жатыр.