Павлодарда кейінгі үш жылда қазақ сыныбын таңдаған оқушылар үлесі тұрақты өсіп келеді. Жаңа оқу жылында өңір бойынша 11 мыңға жуық бала мектеп табалдырығын алғаш аттайды. Олардың 52,2 пайызы қазақ сыныбына барады.
Өңірдің білім беру басқармасы бірінші сыныпқа қабылданатын балалар арасында мемлекеттік тілді таңдағандардың үлесі тұрақты өсіп келе жатқанын хабарлады.
– Павлодар облысында 359 мектеп, 116 мыңнан астам оқушы бар. 2025–2026 оқу жылында бірінші сыныпқа 11 мыңға жуық бала барады деп күтіліп отыр. Бірінші сыныптар бойынша қазақ тілінде – 5 510, орыс тілінде 5 042 сынып болады. Мектеп табалдырығын алғаш аттайтын жеткіншектердің 52,2 пайызы қазақ сыныптарын таңдаған. Жыл өткен сайын Ертіс бойында қазақ тілінде оқығысы келетін бірінші сынып оқушыларының саны артып келе жатқанын атап өткен жөн, – дейді облыстық білім беру басқармасы басшысының міндетін атқарушы Гүлмира Баширова.
Егер 2020 жылы бұл көрсеткіш 35,5 пайыз болса, 2023 – 43 пайыз, 2024 жылы 45 пайыз болған. Биыл бірден 7,2 пайызға артып отыр. Қалай десек те, түбінде мемлекеттік тілді меңгергендер озатыны сөзсіз.
Павлодар облысы