Республикалық электрондық денсаулық сақтау орталығының базасында Денсаулық сақтау министрі Ақмарал Әлназарованың төрағалығымен цифрлық трансформация жөніндегі жұмыс тобының отырысы өтті, деп жазады Egemen.kz.
Отырыста Республикалық электрондық денсаулық сақтау орталығы денсаулық сақтау ресурстарын басқарудың жаңғыртылған жүйесінің (РБЖ АЖ) функционалын таныстырды. Жүйеде медициналық ұйымдардың, кадрлардың және медициналық техниканың цифрлық бейіндері ұсынылды, сондай-ақ оларды 2025 жылы одан әрі дамыту жоспарлары баяндалды.
Жаңартылған жүйе ресурстардың ашық әрі тиімді есебін қамтамасыз етумен қатар, денсаулық сақтау инфрақұрылымы мен кадрлық әлеуеттің дамуын талдау және болжамдау құралы ретінде қолданылатын болады.
Жиын қорытындысы бойынша цифрлық бейіндерді дәйекті дамыту және 2025 жылы жүйенің функционалын кеңейту бағытында жұмыс жүргізу жоспарланды.