«AIRI» және Сколтех ғалымдары адамның биологиялық жасын анықтайтын әлемдегі алғашқы ашық платформаны жасады. Бұл жүйе «қартаю сағаты» деп аталады.
Биологиялық жас адамның құжаттағы жасымен сәйкес келмеуі мүмкін. Ол ағзаның шынайы жағдайын көрсетеді. Егер биологиялық жас жоғары болса, түрлі аурудың қаупі артады. Жаңа жоба ДНҚ метилдену дерегіне негізделген. Ғалымдар 17 мыңнан астам үлгіні талдап, әлемдегі 13 танымал модельді сынақтан өткізген. Нәтижесінде, Йель университетінің профессоры Морган Левин әзірлеген «PhenoAge» моделі ең тиімді әдіс деп танылды. Мұндай сағат дәрілердің әсерін бағалауға, денсаулықты бақылауға, адамның ұзақ өмір сүру әлеуетін анықтауға көмектеседі.