Әлем елдері қоқыстың көбейгеніне алаңдап жатса, Қытай керісінше қоқыс тапшылығын сезініп отыр. Соның салдарынан елдегі ірі қоқыс өртейтін зауыттар толық қуатта жұмыс істей алмай, тіпті кейбірі қалдықты сырттан сатып алуға мәжбүр.
Бұл – кейінгі жылдары жүргізілген жаңа экологиялық саясаттың нәтижесі. Билік қоқыс сұрыптауды қатаңдатып, жаңа ережелер енгізді. Ал халық жауаптырақ бола бастады. Мамандардың айтуынша, мұндай теңгерімсіздік алдағы уақытта экономикалық та, экологиялық та қиындық әкелуі мүмкін. Өйткені миллиардтаған қаржыға салынған зауыттардың бос тұруы ел бюджетіне де, қалдықтарды басқару жүйесіне де салмақ түсіреді.