Стэнфорд университетінің ғалымдар тобы жасанды интеллект көмегімен алғаш рет геном деңгейінде толық әрі үйлесімді вирус тізбектерін құрастырғанын мәлімдеді.
Қазіргі таңда осы вирустарды медицинада, атап айтқанда, антибиотиктерге төзімді бактериялармен күресуде және түрлі жұқпалы ауруларды емдеуде қолдану жоспарланып отыр. Бұл тәсіл дәстүрлі емдеу әдістеріне балама ретінде қарастырылып, медицинада жаңа бағыт қалыптасуы мүмкін. Ғалымдардың айтуынша, болашақта жасанды интеллект арқылы жасалған осындай вирустар мен генетикалық құрылымдар тірі ағзаларды құрастыруға, соның ішінде синтетикалық организмдер жасауға негіз болмақ.