Елді жаһанға танытатын ерекше жоба

Іс-шараға Қазақстан Пре­зи­дентінің кеңесшісі Әсел Жа­насова, Қазақ­станның ха­лық әртісі Димаш Құдай­бер­ген, Туризм және спорт вице-министрі Бауыржан Рапиков, «Kazakh Tourism» ҰК» АҚ бас­қарма төрағасының міндетін атқарушы Даниел Сержан­ұлы, «Qazaqstan» РТРК» АҚ бас­қар­ма төрағасы Ернұр Бурахан, «Hunan TV» ар­насының «Көк­жиек дауысы» жобасының ат­қарушы продюсері Ван Чин, жобаның продюсері әрі бас режиссері Луо Синьсин қатысты.

Әсел Жанасова халықаралық жоба Қазақстан мен Қытай арасындағы ын­тымақтастық тарихының жаңа парағын ашатынын айтты. Сонымен қатар туризм саласында да ерекше маңызға ие екендігін атап өтті. Спикерлер осы еңбегі үшін Димашқа алғыс білдірді.

Бір айға жуыққа созыл­ған жоба түсірілімі Түркістан, Маңғыстау, Алматы, Ақ­мо­ла облыстарында, сондай-ақ Алматы мен Астана қалаларында өткен. Ұлы Жібек жолының бойындағы Түркіс­таннан басталған жоба, Каспий теңізі жағасы мен та­биғаттың тылсым сырын сақ­­таған Бозжырада жал­ға­сын тауып, Алматы өңірінің інжу-маржандары – Қайыңды көлін, Дүниежүзілік UNWTO туристік ұйымы әлемдегі үздік туристік ауылдардың бірі деп таныған Саты ауылын, Қапшағай су қойма­сын, Ақмола облысындағы Кө­бей­тұз көлі мен Щучинск – Бурабай курорттық аймағын әйгіледі. Ақтық кезең елордада ұйымдастырылыпты. Бай­­қауға елімізбен қатар, Қытай, Қырғызстан, Италия, Ма­лай­зия, Сербия өнер­паз­дары қатысып, сынға түс­кен. Орындаушылар шы­ғар­­ма­шылық сапармен елі­міз­ді аралап, туристік орын­­дар­мен кеңінен таныс­ты. Қаты­су­шылардың өне­рін ар­найы шақырылған ха­лық­­ара­лық қазылар мен көрер­мен­дер бағалады. Екі мәрте «Грэмми» сыйлығының лауреаты, амери­калық өнер иесі Уолтер Афанасьев жоба аясында Түркістанда болды.

– Шығармашылығыммен та­ныс жандар біледі, өнерде қол­­ға алған істерім ешқашан ком­­мерциялық мақсатты көз­де­меген. Мұнда да солай. Ең бас­тысы, ата-бабадан қалған елді, жерді, оның мәдениеті мен құн­дылығын өскелең ұрпаққа ми­рас ету. Мүмкіндік туып тұр­ған­да, еліміздің мәдениеті мен ту­ризмнің өркендеуіне аз да бол­са үлесімізді қоссақ деген ниет­тен туған іс еді бұл. Осы жоба аясында халықаралық деңгейде танымал болатын бір жас өнер­паздың жұлдызын жағуды да мақсат еттік. Талантына, адам­гершілігіне қарап, елі­мізден 25 жастағы Нұржасты таңдап алдық. Өз басым әуелі таланттан бұрын адамгершілікті жо­ғары бағалаймын. Нұр­жасқа таң­дауымыз осы тұрғыдан түсті.

Байқау ережесіне келсек, Қазақстан тарапынан мен, Қытай тарапынан танымал әнші әріптестерім болды. Ең жоғары көрсеткіш 100 балмен есептелді. Сонымен қатар 100 көрер­меннің әрқайсысы өзі ұнатқан әншіге дауыс бер­ді. Жеңімпазды осылайша анықтап отырдық. Қалғанына эфирден тамашалағанда кө­рер­мен бағасын береді, – деді Димаш Құдайберген.

Мұндай халықаралық жобада еліміз­дің ең таңдаулы жерлерін көрсету ұлттық ұсты­нымызды шетелдік туристік нарықта ілгерілетуге жаңа мүмкіндіктер ашады.

– 22 күн ішінде Қазақстанның әртүрлі мемлекеттік құрылым­дарының жан-жақты қол­дауының арқасында түсірі­лім тобымыз мыңдаған шақы­рымды артта қалдырып, кө­рікті жерлерге табан тіреді. Біз баға жетпес кадрларды тас­палап, қонақжай ел төрі­нен жүрекке жетер музыкалық із қалдырдық», деді «Hunan TV» арнасының «Voice Beyond Horizon» бағдарламасының продюсері және бас режиссері Луо Синьсин.

Жоба Туризм және спорт, Мәдениет және ақпарат ми­нистрліктері, «Kazakh Tourism» ұлттық компаниясы, «Жо­лау­шылар тасымалы» АҚ мен жер­гілікті атқарушы орган­дардың қолдауымен жүзеге асты. Отандық «Qazaqstan» және қытай арнасынан келер жылы жарыққа шығады. Көрсетілімі 210 миллионнан астам аудиторияға жететін «Hunan TV» телеарнасы мен «Mango TV» цифрлық платфор­масында жоспарланған.