19 наурыздан бастап еліміздегі екінші деңгейлі банктер тұрғын үй құрылыс жинақтары жүйесіне қатысады. Енді салымшылар екінші деңгейлі банктерде тұрғын үй үшін қаржы жинай алады. Ал банктерге осы жүйе аясында несие беруге рұқсат етіледі, деп жазады Egemen.kz.
Аталған өзгерістерге сәйкес, банктерге тұрғын үй құрылыс жинақтары жүйесіне қатысу үшін арнайы жеке лицензия алудың қажеті жоқ. Сонымен қатар коммерциялық екінші деңгейлі банктерде ашылған депозиттерге жыл сайын берілетін мемлекеттік сыйлықақы есептелмейді.
«Наурыз» бағдарламасына өтінім қабылдау уақытша тоқтатылады
Салым бойынша сыйақы мөлшерлемесі мен берілетін қарыздың пайыздық мөлшерлемесі тұрғын үй құрылыс жинақтары туралы шарт жасалған кезде белгіленеді және келісімшарттың толық мерзімі бойы өзгеріссіз қалады.
Сонымен қатар Қазақстан қаржыгерлер қауымдастығының бас сарапшысы Рамазан Досов коммерциялық екінші деңгейлі банктердің бұл бағытта «Отбасы банкпен» бәсекеге түсе алатынына күмән келтіретінін айтты. Сарапшының пікірінше, лайықты бәсеке үшін коммерциялық екінші деңгейлі банктердің экономикалық жағдай «Отбасы банкпен» теңеспейді.
«Отбасы банк»: 600 мыңға жуық адам мемлекеттік сыйақы алды
Десе де сарапшы қаржы институттары үшін тұрғын үй құрылыс жинақтары жүйесіне қатысу қор тарту көздерін әртараптандыру, өнімдер желісін кеңейту және жаңа клиенттер тарту тұрғысынан әлеуетті әрі қызықты болуы мүмкін екенін жеткізді.