Отбасылық және тұрмыстық қажеттіліктер үшін жұбайлар арасындағы ірі көлемдегі аударымдар салық органдарына күдік тудырмайды, деп хабарлайды Egemen.kz
Белгілі болғандай, отбасының бір мүшесі ай сайын барлық табысын екіншісіне аударса да, мұндай операциялар жасырын бизнестің белгісі болып саналмайды. Мемлекеттік кіріс комитеті өкілінің мәліметінше, салық қызметі отбасы ішіндегі аударымдардың көлемін шектемейді.
«Мұндай жағдайда сіз жұбайыңызға ақша жіберіп отырған жалғыз адамсыз. Қанша сома екені маңызды емес. Жұбайыңыз тексерілмейді», – деді Қаржы министрлігі мемлекеттік кіріс комитетінің жеке табысты әкімшілендіру департаменті басшысы Дина Құсайынова
Отбасы ішіндегі аударымдар туралы негізгі мәселелер:
- Сома маңызды емес. Жұбайлар бір-біріне кез келген соманы аудара алады – бір миллион немесе 10 миллион теңге. Бұл жағдайда салық аудитінің критерийлері қолданылмайды;
- Ай сайынғы тұрақты аударымдар тексерілмейді. Ер адам әйеліне күнде аударып отыруы мүмкін;
- Тексерудің негізгі критерийі – жіберушілер саны. Егер қаражат 100 түрлі адамнан алынған болса, салық органдары транзакцияларға назар аударады.