инфрақұрылымды жаңғыртуға бағытталған инвестиция
Еуропа қайта құру және даму банкі шығыс өңірінде құны 11 млрд. теңгені құрайтын жобаларды жүзеге асырады. Облыс орталығында өткен екіжақты кездесу барысында өңір басшысы Даниал Ахметов пен Еуропа қайта құру және даму банкінің Орталық Азия және Ресей инфрақұрылымы бойынша директоры Екатерина Мирошник аталған несиелік келісімге қол қойды.
Қол жеткізілген келісімшарттарға сәйкес, Еуропа қайта құру және даму банкі Семей қаласындағы «Семей су арнасы» және «Жылукоммунэнерго» кәсіпорындарының жобаларын қаржыландырмақ. Яғни, Семей қаласындағы орталық жылу және су құбырлары жүйелері жаңғыртылады. Бұл жобалар бойынша Қазақстан Республикасының Үкіметі де өз кезегінде «Нұрлы Жол» инфрақұрылымды дамыту мемлекеттік бағдарламасы аясында жеңілдетілген қаржыландыру қаражатын бөледі.
Ұсынылған инвестициялар кәсіпорындарға әбден тозығы жеткен жылу және су құбырлары желілерін қайта жөндеуге, сорғы стансаларын жаңғыртуға бағытталған жұмыстарды жүргізуге мүмкіндік береді. Сондай-ақ, заманауи құрал-жабдықтарды, автоматтандырылған басқару жүйесін сатып алуға, орнатуға және жылу мен суды тұтыну есебін жүргізетін құралдарды орнату бағдарламасын жалғастыруға да жол ашады. Осы арқылы энергияны тиімді пайдалануды арттыру, экологиялық талаптарды жақсарту, ресурстарды тұтынуды оңтайландыру мен шығындарды азайтуға қолайлы жағдай қалыптастыру көзделіп отыр.
– Еуропа қайта құру және даму банкінің негізгі басымдықтарының бірі табиғат ресурстары мен энергия қуатын тиімді пайдалануға бағытталған. Осы орайда біз Қазақстанмен «жасыл экономика» жобасын дамытуда, сол сияқты, Семей қаласында суды үнемдеу мен энергия тұтынудағы шығындарды азайтуға ықпал ететін жаңғырту жобаларын жүзеге асыруда тығыз жұмыс істейміз, – деді банк өкілі Екатерина Мирошник.
Ал облыс әкімі Даниал Ахметов Президент Жолдауында міндеттелген межелерді жүзеге асыру барысында мемлекет-жекеменшік әріптестігін ұйымдастыруға, қаржы институттарын тартуға басымдық берілетінін жеткізді.
Қазіргі кезде облыс әкімдігі Еуропа қайта құру және даму банкінен жалпы көлемі 171,1 млрд. теңгені құрайтын қаражатты өңірдегі маңызды жобаларға тарту бойынша белсенді жұмыс жүргізуде. Оның ішінде Өскемен мен Семей қалаларына тиесілі 5 жобаға үлкен назар аударылып отыр. Бұл жобалардың жалпы құны 16,9 млрд. теңгеге тең. Сонымен бірге, 2016 жылдың алғашқы жартыжылдығында Өскемен мен Семей қалаларында энергия үнемдеу үшін көше шамдарын ауыстыруға арналған және Өскемен қаласында сумен қамту жүйесін жаңғырту, су тартуға бағытталған жалпы құны 5,9 млрд. теңгені құрайтын тағы 3 несиелік келісімге қол қойылады.
Думан АНАШ,
«Егемен Қазақстан».
Шығыс Қазақстан облысы.
инфрақұрылымды жаңғыртуға бағытталған инвестиция
Еуропа қайта құру және даму банкі шығыс өңірінде құны 11 млрд. теңгені құрайтын жобаларды жүзеге асырады. Облыс орталығында өткен екіжақты кездесу барысында өңір басшысы Даниал Ахметов пен Еуропа қайта құру және даму банкінің Орталық Азия және Ресей инфрақұрылымы бойынша директоры Екатерина Мирошник аталған несиелік келісімге қол қойды.
Қол жеткізілген келісімшарттарға сәйкес, Еуропа қайта құру және даму банкі Семей қаласындағы «Семей су арнасы» және «Жылукоммунэнерго» кәсіпорындарының жобаларын қаржыландырмақ. Яғни, Семей қаласындағы орталық жылу және су құбырлары жүйелері жаңғыртылады. Бұл жобалар бойынша Қазақстан Республикасының Үкіметі де өз кезегінде «Нұрлы Жол» инфрақұрылымды дамыту мемлекеттік бағдарламасы аясында жеңілдетілген қаржыландыру қаражатын бөледі.
Ұсынылған инвестициялар кәсіпорындарға әбден тозығы жеткен жылу және су құбырлары желілерін қайта жөндеуге, сорғы стансаларын жаңғыртуға бағытталған жұмыстарды жүргізуге мүмкіндік береді. Сондай-ақ, заманауи құрал-жабдықтарды, автоматтандырылған басқару жүйесін сатып алуға, орнатуға және жылу мен суды тұтыну есебін жүргізетін құралдарды орнату бағдарламасын жалғастыруға да жол ашады. Осы арқылы энергияны тиімді пайдалануды арттыру, экологиялық талаптарды жақсарту, ресурстарды тұтынуды оңтайландыру мен шығындарды азайтуға қолайлы жағдай қалыптастыру көзделіп отыр.
– Еуропа қайта құру және даму банкінің негізгі басымдықтарының бірі табиғат ресурстары мен энергия қуатын тиімді пайдалануға бағытталған. Осы орайда біз Қазақстанмен «жасыл экономика» жобасын дамытуда, сол сияқты, Семей қаласында суды үнемдеу мен энергия тұтынудағы шығындарды азайтуға ықпал ететін жаңғырту жобаларын жүзеге асыруда тығыз жұмыс істейміз, – деді банк өкілі Екатерина Мирошник.
Ал облыс әкімі Даниал Ахметов Президент Жолдауында міндеттелген межелерді жүзеге асыру барысында мемлекет-жекеменшік әріптестігін ұйымдастыруға, қаржы институттарын тартуға басымдық берілетінін жеткізді.
Қазіргі кезде облыс әкімдігі Еуропа қайта құру және даму банкінен жалпы көлемі 171,1 млрд. теңгені құрайтын қаражатты өңірдегі маңызды жобаларға тарту бойынша белсенді жұмыс жүргізуде. Оның ішінде Өскемен мен Семей қалаларына тиесілі 5 жобаға үлкен назар аударылып отыр. Бұл жобалардың жалпы құны 16,9 млрд. теңгеге тең. Сонымен бірге, 2016 жылдың алғашқы жартыжылдығында Өскемен мен Семей қалаларында энергия үнемдеу үшін көше шамдарын ауыстыруға арналған және Өскемен қаласында сумен қамту жүйесін жаңғырту, су тартуға бағытталған жалпы құны 5,9 млрд. теңгені құрайтын тағы 3 несиелік келісімге қол қойылады.
Думан АНАШ,
«Егемен Қазақстан».
Шығыс Қазақстан облысы.
Соңғы жаңалықтар
Қазақстан Кубогі: Садақшылар саны рекордтық көрсеткішке жетті
Ұлттық спорт • Кеше
Елордада бір көше учаскесі толығымен жабылды
Елорда • Кеше
Астанада автокөлік отқа оранды
Оқиға • Кеше
