Алматы • 07 Қыркүйек, 2023
Алматыда BAIQONYR кинофестивалі басталды
6-10 қыркүйек аралығында Алматыда VIII халықаралық BAIQONYR кинофестивалі өтеді, оның басты мақсаты – жас талантты кинематографистерді қолдау.
Байқау • 07 Қыркүйек, 2023
Нұрғиса Тілендиев атындағы республикаалық дирижерлер конкурсы өтеді
Қазақстан Республикасы Мәдениет және ақпарат министрлігінің қолдауымен 20-22 қыркүйек аралығында Жамбыл атындағы Қазақ мемлекеттік филармониясында Нұрғиса Тілендиев атындағы республикалық дирижерлер конкурсы өтеді.
Қоғам • 30 Тамыз, 2023
Конституция күні қарсаңында Қазақстан Президентінің Архиві ерекше жоба ұйымдастырды. Алматы қаласының оқушыларына архив құжаттарын пайдалану жөнінде шеберлік сыныбы өтіп, соның нәтижесінде Архивте балалар өздері дайындаған кітап, сурет, құжаттық көрмелерді таныстырды.
Тұлға • 29 Тамыз, 2023
Алматы қаласының Ұлттық кітапханасында белгілі балалар жазушысы, Халықаралық «Алаш» әдеби сыйлығының лауреаты, Еңбек Қызыл Ту орденінің, «Ерен еңбегі үшін» медалінің иегері Пернебай Дүйсенбиннің 80 жылдық мерейтойына орай «Дарынымен дараланған дарабоз» атты дөңгелек үстел ұйымдастырылды.
Өнер • 23 Тамыз, 2023
«Азия жаңғырығы» атты цирк өнерінің халықаралық фестивалінде Алматы циркінің әртістері тағы да жеңіс тұғырынан табылды. Әділет Тиканов жетекшілік жасайтын «Акробаты на двойной мачте» номерін орындаған Hassak тобы мен Майя Ұлықпанова 11 мемлекеттің әртістері арасында үздік атанып, XIY халықаралық фестивальдің қола жүлдесін жеңіп алды.
Кітапхана • 22 Тамыз, 2023
Мектеп кітапханасындағы цифрлық технология
Мемлекет басшысы Қасым-Жомарт Тоқаев Түркістанда өткен Ұлттық құрылтайда ұлт келешегіне кепіл болатын өзекті мәселелерді ортаға салды. Оқу – өскелең ұрпақтың білімін, тәрбиесін және мәдениетін арттырудың маңызды факторы. Ал балалардың көпшілігі алғашқы кітаппен мектеп қабырғасының кітапханасында танысады. Бүгінгі таңда мектеп кітапханаларының жағдайы қалай? Кітапханашылардың жалақысы қанша? Мектеп кітапханаларының цифрландыру сатысына өту үдерісі қалай басталып, жүзеге асырылып жатыр? Осы туралы Оқу-ағарту министрлігі Республикалық ғылыми-педагогикалық кітапханасының директоры Әлия САЙДЕМБАЕВА айтып берді.
Банк • 09 Тамыз, 2023
KMF клиенттері арасында миллион ойнатады
KMF шағын және орта бизнесті қолдап, дамыту мақсатында KMF-Qoldau атты жаңа науқанды бастады. Оның шеңберінде ақшалай жүлделер ойнатылады. Науқанға қатысу үшін бизнесті дамыту мақсатында 1 млн теңгеден жоғары сомаға микрокредит ресімдеу қажет. Науқан 7 қазанға дейін жалғасады.
Қоғам • 04 Тамыз, 2023
Алматының аптап ыстығында Ә.Қастеев атындағы Мемлекеттік өнер музейінде ашылған «Болатты кескіндеме» атты көрмеден тау қойнауының бой мұздатар салқын лебі еседі. Өмір бойы теңіз бен толқынды жырлап өткен Айвазовский сынды суретші, архитектор, музыкант Болат Ахметов те шығармашылық ғұмырын жер шарындағы ең сұлу саналатын шыңдар мен мұздықтар тақырыбына арнады.
Өнер • 02 Тамыз, 2023
Ұлттық ойын-сауық пен тұрмыстық салт-жоралардың негізінде пайда болған Қазақстанның цирк өнерінің тарихында тұңғыш рет бес күн бойы 15 мемлекеттің 80-нен аса әртісі өнер көрсеткен Халықаралық цирк фестивалі дүбірлеп өтті. Қазақ мемлекеттік циркінің дөңгелек күмбезінің астында бес күнде 8 мың адам жүрек жұтқан таланттардың өнерін бір деммен тамашалап, шартараптан келіп бас қосқан шеберлердің өнеріне таңдай қақты. Almaty Sirkus Festival атты ірі өнер бәйгесіне дейін цирктің сиқырлы манежінде мұншама мықтының басы бұрын-соңды дәл осылай қосылған емес. Қазақстан, Қытай, Ұлыбритания, Чехия, Германия, Болгария, Украина, Ресей, Беларусь, Литва, Өзбекстан, Тәжікстан, Қырғызстан, Якутия, Вьетнам, Эфиопия сияқты елдердің ең мықтысын бағалау 24 қазыға да оңай соққан жоқ.
Өнер • 31 Шілде, 2023
Алатаудың баурайында жиырма жылға жуық жым-жырт жатқан Медеу шатқалдарын қуатты музыка үнімен жаңғыртқан «Азия дауысы» халықаралық фестивалі қайта оралды. Алматылықтардың өміріндегі ең аяулы сәттер, жарқын естеліктердің бір парасы дәл осы «Азия дауысымен» байланысты өрбіп, он бес жыл бойы үздіксіз өткен дәстүрлі ән байқауы белгілі себеппен үзіліп қалып, көрермен ұзақ жылдар бойы көз жазып қалғанда елегізіп іздегенін жоққа шығара алмас.
