Медицина • 30 Тамыз, 2022
Консультациялық-диагностикалық қызметтер саны артты
Емханалар деңгейінде көрсетілетін медициналық көмектің көлемі жыл сайын артып келеді. 2022 жылдың 4 айында бейінді мамандар 97 млрд теңгені құрайтын 54,6 млн консультация мен диагностикалық зерттеулер қызметін көрсетті. Бұл – өткен жылдың сәйкес кезеңімен салыстырғанда 1,6 есеге көп.
Экология • 24 Тамыз, 2022
Ауаның ластануын төмендету аймақтарда жіті назарға алынады
Экологиялық мониторинг нәтижелері бойынша, 45 өнеркәсіптік қала мен мегаполистердің ішінде 9 қалада атмосфералық ауаның ластану деңгейі жоғары деп танылды. Бұл – Нұр-Сұлтан, Алматы, Қарағанды, Теміртау, Атырау, Ақтөбе, Балқаш, Өскемен және Шымкент қалалары. Жезқазған қаласы осы жылдың басында жоғары деңгейден орташа деңгейге өтті. Осы жөнінде Орталық коммуникациялар қызметі алаңында өткен аймақтардың экологиялық жағдайы туралы брифингте кеңінен мағлұмат берілді.
Коронавирус • 21 Тамыз, 2022
Эпидемиялық ахуал жақсарып келеді
Елімізде коронавирус инфекциясын жұқтыру көрсеткіші айтарлықтай төмендеп, кейінгі тәулікте 740 адамнан індет анықталды. Қазір барлық өңіріміз «жасыл аймақта» тұр. Дегенмен жағдай оңалды екен деп арқаны кеңге салмай, сақтық шараларын ұстануды ұмытпаған жөн. Өйткені арамыздан әлі іргесін ажыратпаған індеттің қайта күшейіп кетуі қаупі бар екеніне әбден көз жетті.
Қоғам • 18 Тамыз, 2022
Жаймашуақ жаз шыққанда жайраңдаған жас балалар суға шомылуды әуес көріп өзен-көлді жиі жағалап кетеді. Алайда жан-жағын бағамдай бермейтін балғындар абайсызда жағадан алыстап, ойламаған жерден бойламайтын суға батып кетіп жатқан жайсыз жағдайлар аз емес. Биыл айналдырған үш айдың ішінде, айдың-күннің аманында 60-қа жуық аймаңдай баладан айырылып, қаншама отбасы қайғыдан қан жұтты, қасірет шекті.
Қоғам • 17 Тамыз, 2022
Биылғы екінші тоқсанда еліміздегі орташа айлық жалақы 312 мың теңгені құрады. Бұл көлем өткен жылдың сәйкес кезеңімен салыстырғанда 24%-ға артып отыр. Алайда артпаса кемімейтін, ортаймайтын осы көрсеткіш көпшіліктің әлеуметтік көңіл күйінің көтерілуіне әсер ете алмай-ақ қойды. Өйткені жұмысқа жарамды жұрттың басым бөлігінің орташа жалақыға жете алмай, жарымай келе жатқаны қашан?!
Қоғам • 15 Тамыз, 2022
Ерекше балаларға қамқор орталық
Ерекше балаларды тәрбиелеп отырған ата-аналар кішкентайының қатардан қалмай, дүниетанымы, өмірге бейімделу дағдысы қажетті деңгейде қалыптасқанын қалайтыны анық. Осы санаттағы отбасылардың қасынан табылып, жан-жақты қолдау көрсететін орталықтардың қатары көбейіп жатқаны қуантады. Жақында Нұр-Сұлтан қаласында мүмкіндігі шектеулі балаларға ғана емес, олардың ата-анасына да қажет көмек түрлерін көрсететін орталық ашылды.
Қоғам • 11 Тамыз, 2022
Оңалту құралдарын портал арқылы алдыруға болады
Жыл басынан бастап Әлеуметтік қызметтер порталы арқылы шамамен 204,8 мың мүгедектігі бар адам оңалтудың техникалық құралдарын, бұған қоса 6,6 мың адам ымдау тілі қызметін, 25,8 мың адам жеке көмекшінің қызметін алды. Сондай-ақ портал көмегімен кепілдік берілген әлеуметтік топтамаларға 59 мың тапсырыс рәсімделді.
Коронавирус • 04 Тамыз, 2022
Індет барлық өңірде өршіп барады
Елімізде кейінгі екі аптада коронавирус инфекциясын жұқтыру жағдайы 3,2 есе өсті. Бүгінде індеттің белсенді таралу қарқыны барлық өңірде байқалып отыр. Бұл ретте Денсаулық сақтау министрі Ажар Ғиният Орталық коммуникациялар қызметі алаңында эпидемиялық ахуалға қатысты кеңінен мәлімет берді.
Қоғам • 03 Тамыз, 2022
Осал санаттағы талапкерлер тегін оқуға мүмкіндік алады
Нұр-Сұлтан қаласында жоғары оқу орындарына түскісі келетін әлеуметтік осал топтардан шыққан талапкерлерге оқу ақысын төлеу түрінде әлеуметтік көмек беру бағдарламасы қарастырылып жатыр. Бұл туралы қала әкімі Алтай Көлгінов өзінің Instagram-дағы парақшасында мәлімдеді.
Қоғам • 02 Тамыз, 2022
Берекелі жұмыс әлеуметтің көңіл күйін көтереді
Халықтың ырыс-несібесінің еселеніп, берекелі жұмыспен қамтылуы – негізгі назардағы басым бағыт. Осы орайда бірқатар мақсаттан тұратын арнайы қолға алынған кешенді жоспар бар. Соған сәйкес Үкімет бюджет қаражатын әділ бөлуді және табыс деңгейі төмен азаматтарды қолдауды көздейтін ілкімді іс-шараларды Халық табысын арттыру бағдарламасы аясында жүзеге асырып жатыр. Бұл, әлбетте, «Әділетті Қазақстан» тұжырымдамасымен үйлеседі.
