Кітапхана • 04 Сәуір, 2023
Мемлекет басшысы Қасым-Жомарт Тоқаев Астана қаласын дамыту мәселелері жөнінде өткізген кеңесте кітапханалардың тым аз екенін атап өткен. Сондай-ақ әр ауданда заман талабына сай кітапхана ашуды тапсырған еді. «Мен Ұлттық қоғамдық сенім кеңесінің отырысында кітап оқу мәдениеті жайлы айттым. Алайда қалада кітапханалар желісі дамымай тұр. Астанада небәрі 18 кітапхана бар. Оның кейбіреуі 40 шаршы метрден аспайтын бөлмеде отыр. Кітапханалар заман талабына бейімделіп, коворкинг орталығы сияқты жұмыс істеуі керек. Бұл салада ақпараттық технологияны кеңінен қолданған жөн. Әр ауданда заман талабына сай кітапхана ашу қажет», деді Президент.
Қоғам • 04 Сәуір, 2023
Бүкіләлемдік аутизм туралы ақпарат тарату күні аясында «Астана Операның» Күләш Байсейітова атындағы Камералық зал сахнасында «Күн барлығына нұрын төгеді» атты қайырымдылық концерті өтті.
Жәдігер • 03 Сәуір, 2023
Жауырыны жерге тимеген Балуан Шолақтың аңыз-ғұмыры жұртқа аян. Қара күші тасыған тұла бойы таланттан да кенде емес. Өзі әнші, өзі сері, өзі сазгер. Сазгер дегенде, әрине, балуанның «Ғалиясы» еске түседі: «Айым да сен, Ғалия, күнім де сен, Оң қабағым тартады күлімдесең...»
Өнер • 30 Наурыз, 2023
Еркеғали Рахмадиев атындағы Мемлекеттік академиялық филармония сахнасында «ALEM» заманауи хореография балеті «Solo» пластикалық дивертисмент қойылымының премьерасын ұсынды.
Қоғам • 29 Наурыз, 2023
Кейінгі жылдары отандық тарихи сериалдар жиі түсіріліп жатқанын көрермен қауым жақсы біледі. Осы орайда биыл отандық сериал контентті кәсіби тұрғыда бағалайтын «Nauryz» ұлттық бәйгесі Ақпарат және қоғамдық даму министрлігінің қолдауымен алғаш рет өткізіліп отыр. Дүбірлі додаға қатысу үшін бүгінге дейін Nauryz-awards.kz сайтына 250-ден аса өтінім келіп түскен. Телетуындылар түрлі тақырып пен кезеңді қамтиды. Күні кеше ғана шығармашылық байқауда жеңістен үміттілер іріктеліп, шорт-лист жарияланды.
Оқиға • 29 Наурыз, 2023
Кәрі адамның төсек тартып, ана дүниеге әне-міне аттанғалы жатқаны күлкілі дүние емес. Бұл – қайғылы оқиға. Бірақ Тынымбай Нұрмағанбетовтің шығармаларын оқып отырып, қанша жерден мұңды болса да егіліп бір шын жылай алмайсың. Езуіңе күлкі үйіріліп, ащы әжуасына кейде мырс етіп, кейде астарын түсініп, мезет ойланып қаласың.
Қоғам • 21 Наурыз, 2023
Наурыз мерекесі Шу аудандық орталық ауруханасында кең көлемде аталып өтті. Наурыз-додаға әр бөлім ұжымы, атап айтсақ, БМСК, КДЕ, терапия, хирургия, жұқпалы аурулар, перзентхана, қабылдау бөлімдері қатысты. Олар қазақтың салт-дәстүрлері – бесікке бөлеу, тұсаукесер, қыз ұзату, беташарды нақышына келтіре көрсетіп, ұлттық киімде ән айтып, би билеуден өнер жарыстырды.
Өнер • 16 Наурыз, 2023
Жуырда алматылық музыкант әрі шебер қазақтың құлағына әбден сіңген ән «Қамажай» орындалатын музыкалық қорапша жасап шығарды. Ағаштан жонылған алақандай туынды сиқырын бүккен сандықтай сүйкімді көрінеді. Шетіндегі ілгегін сәл бұрасаңыз болды, көңіл тербейтін ескі әуен әуелей жөнеледі. Сол-ақ екен, «басында Қамажайдың бір тал үкі...Ахау хайлилайым, лилилайым...» деп еріксіз күбірлеп жүргеніңіз.
Театр • 15 Наурыз, 2023
Петр Чайковскийдің «Иоланта» операсының концерттік қойылымын көрермен назарына «Астана опера» халықаралық опера академиясының солистері ұсынды. Махаббаттың алапат күші жайлы хикая көрерменге таңсық емес. Жас таланттардың өнерімен өрілген әйгілі шығарма бұл жолы жаңа форматта шықты. Қоюшы дирижер Руслан Баймурзиннің шебер екпінімен музыканы театрдың Симфониялық оркестрі мен хоры нақышына келтіріп орындады.
Қоғам • 15 Наурыз, 2023
«Қазақконцерт» – киелі Маңғыстауда
Мемлекет басшысы Қасым-Жомарт Тоқаевтың еліміздегі моноқалаларды жан-жақты дамытуға бағытталған тапсырмаларына сәйкес Роза Бағланова атындағы «Қазақконцерт» мемлекеттік концерттік ұйымы «Ел бірлігі – Жаңа Қазақстан» жобасын жалғастыруды қолға алды. Шығармашылық ұжым 2022 жылдың тамыз айынан бастап жаңадан құрылған Абай, Ұлытау, Жетісу және Қызылорда, Павлодар, Қарағанды облыстарына, сондай-ақ Алматы, Петропавл қалаларына барып, 17 мың шақырымдай жол жүріп өтіп, қалалар мен ауылдық жерлерде, шамамен 50 мыңға жуық көрерменге өз өнерлерін көрсетті.
