Қоғам • 03 Қазан, 2023
Көлікті ерікті сақтандыру арта түсті
Еліміздегі жеңіл автокөлік саны 4,4 млн-ға жеткен. Бұл былтырғы көрсеткіштен 11,4 пайызға немесе 444,6 мыңға артық. Соның арқасында автокөлікті сақтандыру нарығы да айтарлықтай өскен: 2023 жылдың қаңтар-шілде айларында автокөлікті ерікті мүліктік сақтандыру бойынша сыйлықақылар көлемі рекордтық көрсеткішке жетіп, 63,9 млрд теңгені құрады, бұл былтырғы сәйкес кезеңмен салыстырғанда бірден 2,4 есе көп.
Өндіріс • 28 Қыркүйек, 2023
Мемлекет отандық қағаз өнеркәсібін дамыту үшін қорғау тетіктерін іске асырып отыр. Мәселен, қазіргі уақытта кеңсе қағаздарын шетелдік өндірушілерден сатып алуға тыйым салынған. Бұл шектеу екі жылға жарамды. Бұл салада еңбек ететін кәсіпорындардың көбі майлық, сүлгі, орамал және тұрмыстық қағаздар өндіреді. Ал кеңсе қағазын өндірумен төрт кәсіпорын айналысады.
Инвестиция • 21 Қыркүйек, 2023
«Wabtec» елімізге 1 млрд доллар инвестиция салады
Мемлекет басшысы Қасым-Жомарт Тоқаевтың «Wabtec» компаниясының президенті және бас атқарушы директоры Рафаэль Сантанамен кездесуінде Қазақстанның теміржол саласын реконструкциялау мәселесі сөз болды. Әлемнің 50 елінде жұмыс істейтін, құрамында 27 мыңнан аса қызметкері бар, Fortune 500 тізіміне кіретін және транспорт пен логистика саласындағы жаһандық көшбасшы саналатын «Wabtec» компаниясы Қазақстанға инвестиция салуға ниетті.
Қаржы • 18 Қыркүйек, 2023
KASE+AIX=... Қос биржаны қосқаннан не өзгереді?
Елімізде екі бірдей қор биржасы (KASE және AIX) жұмыс істейді және олар көп жағдайда бір-бірін қайталайды. Өзара бәсекеге түсетін кездері де жоқ емес. Бұл отандық қаржы жүйесіне жағымсыз әсер етуі мүмкін. Ішкі нарықтың көлемі мен тартымдылығын арттыру үшін екеуін біріктіріп, бірыңғай басқаруға көшірген жөн болмақ. Мұндай жаңашылдыққа қаржы нарығы қалай қарайды? Бір-бірінен табиғаты бөлек секілденетін қос биржаның қосылуы нендей өзгеріс туғызбақ?
Қаржы • 14 Қыркүйек, 2023
Ұлттық банктің қызметі қалай өзгереді?
Қаржы саласында кезек күттірмей атқарылатын ауқымды шаруа көп. Соның көбі Ұлттық банк құзыретіне тікелей тәуелді. Қаржылық стратегия тұрғысынан маңызды саналатын мекеме Ұлттық банкті Ғалымжан Пірматов екі жылға жуық уақыт басқарды. Енді Президент оның орнына басшы етіп Тимур Сүлейменовті тағайындады.
Қаржы • 14 Қыркүйек, 2023
Ел экономикасының жебеуші періштесіне айналған Ұлттық қордың активі 60,8 млрд долларға (27,96 трлн теңге) жетіпті. 2023 жылдың 8 айында қорға 3,2 трлн теңге түскен. 2022 жылдың қаңтар-тамызымен салыстырғанда түсім 29 пайызға азайды. 2021 жылдың ұқсас кезеңімен салыстырғанда 2,4 есе өсім көрсеткен. Бір қызығы, биыл 8 айда қорға 3,2 трлн теңге түскенімен, осы 8 ай ішінде қордан 2,9 трлн теңге кері алыныпты. Екі тоқсанның қорытындысы бойынша жинақталған инвестициялық табыс 839 млрд теңгені (былтыр осындай кезеңде теріс көрсеткіш – минус 635 млрд теңге болған) құрайды.
Экономика • 17 Тамыз, 2023
Шикізатқа тәуелді экономика: Тығырықтан шығар жол қайсы?
Дүниежүзілік банк зерттеуі бойынша биыл ел экономикасы бірқалыпты қарқынмен өседі және ішкі жалпы өнім 3,5 пайызға көтеріледі. Ал 2024 жылы 4 пайызға өсуі мүмкін. Өсімнің басты тірегі – көмірсутегі секторы (мұнай өндірісінің артуы есебінен) болмақ. 2023 жылға арналған болжам геосаяси шиеленіске дейінгі болжамдардан төмендетілді. Оған себеп – негізгі сауда серіктестерінің экономикасында өсудің баяулауы және ішкі инфляция.
Қаржы • 16 Тамыз, 2023
Рубль құлдыраса, теңгені жел шайқай ма?
Долларға қатысты рубль бағамы 2022 жылдың наурызынан бері алғаш рет 100 рубльден асып түсіп, мини-рекорд орнатты. Еуро бағамы 110 рубльден жоғары кетті. Айырбас бағамы Ресей Орталық банкінің төл валютаны тежеп ұстауға тырысқан әрекетіне бағынатын емес. Бұл біздің теңгеге және ел экономикасына қандай да бір әсерін тигізуі мүмкін бе? Жалпы, валютамызға қысым көрсететін басқа қандай факторлар бар, ондай жағдайда теңге өзін қалай ұстауы мүмкін?
Қаржы • 05 Маусым, 2023
Қаржы секторының ішінде банк саласының шоқтығы биік. Десе де өзге салалардың да нарықтағы орны жыл санап айқындалып, әрі үлкен сұранысқа ие болып келе жатқанын жоққа шығара алмаймыз. 2023 жылғы 1 мамырдағы жағдай бойынша Қазақстан Республикасының банк секторында 21 екінші деңгейдегі банк бар, оның 12-сі шетелдің қатысуымен, оның ішінде 8-і – еншілес банк. 2023 жылғы 1 мамырдағы жағдай бойынша банк секторының активтері 0,4%-ға немесе 184 млрд теңгеге азайып, 44,8 трлн теңге болды (жыл басынан бері 0,6%-ға немесе 0,3 трлн теңгеге өсу). Бұған өтімді активтердің 3,6%-ға немесе 697 млрд теңгеге кемуі әсер еткен.
Банк • 21 Мамыр, 2023
Банктер мақұлдаудан неге бас тартады?
Жыл басталғалы, 2023 жылдың 10 мамырындағы жағдай бойынша «7-20-25» ипотекалық бағдарламасы бойынша жалпы сомасы 37,38 млрд теңгеге 2 334 несие берілген.
