Экология • 05 Ақпан, 2023
Ертіс орманының елеңдеткен ертеңі
Жер бетінде ең сирек кездесетін жалқарағай ормандары Қазақстанның солтүстік-шығыс өңірінде, Ресей және Канада жерінде ғана сақталып қалған. Айтса айтқандай, ежелгі мұхиттың табанында, кәдімгі құм жалдарында өсіп шыққан реликті ормандардың ерекшелігі басым. Тамыры 70 метр тереңдікке бойлап, сонау шыңыраудағы жерасты суларынан қорек алатын қылқанжапырақтылар – бүгінде еліміз үшін баға жетпес табиғи байлықтың бірі. Адамзаттан да ерте пайда болған тамаша қазынаны қаз қалпында сақтап, көбейту үлкен мәселеге айналып отыр.
Инновация • 02 Ақпан, 2023
Келешектің инновациялық бағдары
«Цифрландыру, ғылым және инновациялар есебінен технологиялық серпіліс» ұлттық жобасы Павлодарда алғашқы жемісін бере бастады. Былтыр ел бойынша алғаш болып ашылған IT-мектеп бір жыл ішінде 400 адамды оқытып, жеке компаниялардың ақпараттық технологиялар саласындағы білікті мамандарының санын арттырды. Ал фрилансер ретінде өз бизнесін ашқандар мұнда қажетті IT-дағдыларды үйреніп, соның нәтижесінде кәсіптерін өркендету үстінде.
Аймақтар • 01 Ақпан, 2023
Өткен ғасырдың соңғы ширегінде Арқада жосып жүрген киіктер батыс өңірлерге ауса, Ресейдің Алтай тауларынан асып келген бұландар Қазақстанның солтүстік-шығысын, Ертіс пен Жайық өзендерінің бойын мекендей бастағаны мәлім. Бұғы тектес жануар Баянауылдың таулы аймақтарында жиі байқалып, сортаң жерлерді жағалап жүр.
Қоғам • 31 Қаңтар, 2023
Екібастұздың отын-энергетикалық кешені алдағы жылдары өзінің қуаттылығын арттыра түспек. 2029 жылға дейін мұнда №3 мемлекеттік аймақтық электр стансасы (МАЭС) салынады деп күтілуде. Ал қолданыстағы қос стансаның қуаттығы ұлғайтылып, Солтүстік Біртұтас электр энергетикалық жүйесінде қазіргіден бір жарым есеге көп электр өндіретін мүмкіндік пайда болады. Нәтижесінде жарықты мәжбүрлі түрде сырттан сатып алу сап тыйылып, тапшылық жойылады.
Қазақстан • 30 Қаңтар, 2023
Көші-қонның жаңа тәртібі күшіне енді
Павлодарда пана іздеп келген шетелдіктердің саны артып отыр. Қазіргі уақытта өңірде осындай 54 шетел азаматы жүр. Олардың дені – Ресей, Германия, Украинадан келгендер.
Аймақтар • 29 Қаңтар, 2023
Екібастұздың жағдайы оңалар емес
Екібастұздағы жылудың жыры аяқталар емес. Орталық жылу жүйесінде төтенше жағдай болғанына екі айдай уақыт өтсе де, әлі күнге апат салдарын жою, қала тұрғындарын қыстан тоңдырмай алып шығу қарекеті жалғасып жатыр. Жылу орталығы қаңтар айында тұрғын үйлердегі жылу қайта-қайта тоқтатыла бергенін ескере отырып, аталған кезең үшін коммуналдық төлемақы қайта есептелетінін мәлімдеді.
Білім • 29 Қаңтар, 2023
Жалғас – бастауыш сынып мұғалімі
Тәуелсіздіктен бергі уақыт ұзаған сайын ұлт ұлыларының үндестігін ұрпаққа танытудың өзектілігі күшейе түспесе, кеміген емес. Әсіресе орыс тілінде білім алатын оқушылардың санасына қазақтың рухани қазынасын құюға мектептерде мән беріле бастағаны қуантады. Осы көштен табылған Жалғас Қабылбеков – бүгінде бастауыш сынып ұстазы ретінде көзге ерекше түсіп отырған жас маманның бірі.
Аймақтар • 26 Қаңтар, 2023
Биылғы қыстың қабағы алдағы көктемде су тасқыны қаупінің жоғары болатынын аңғартып тұрғандай. «Қазгидромет» мекемесінің дерегіне сүйенсек, қазірдің өзінде қар жамылғысы былтырға қарағанда анағұрлым артық. Топырақтың тоң болып қатуы да өткен қыстағыдан 38 пайызға жоғары. Наурыз айында ауа температурасы күрт көтерілсе, бірқатар елді мекендер мен автокөлік жолдары еріген қар суының астында қалуы мүмкін.
Аймақтар • 26 Қаңтар, 2023
Павлодардан Астанаға апаратын автобанда 25 жастағы қылшылдаған жігіт қайғылы жағдайда көз жұмды. Тас жолда болған алғашқы жол апатынан аман шыққан азаматты қапылыста екінші көлік соғып, тіл тартпай кетті.
Аймақтар • 26 Қаңтар, 2023
Арқаның жері де құт, елі де құт
Әдетте «Ауылына қарап, азаматын таны» деп жатамыз. Осы бір нақылды ауылдық жерлерде жайқалып, гүлденіп отырған шаруашылықтарға да қатысты қолдансақ та, артық болмас. Қазақтың алтын бесігіндегі ежелден жалғасқан ауылшаруашылық саласын заманға сай жаңғыртып, айналасына еңбегімен құрметті жандар арамызда баршылық.
