Редакция таңдауы
Әнуардың кәсіпкер болуына тікелей әсер еткен әкесі – Мұрат Ұзақбайұлы. Ол 80-жылдардың орта тұсынан заманның желі басқаша соға бастағанын жақсы түсінді. Келіншегі Гүлсім екеуі Жезқазғанда алғашқылардың бірі болып кәсіпкерлікке бет бұрды. Ескі мен жаңаның тайталасып тұрған шағы емес пе, көпшілік «кәсіпкерлік» дегенді мүлдем түсінбейтін. Бірі көзіне айтып, енді біреулері сыртынан «Бұлар капиталист болғалы жүргендер» деп мысқылдап жататын.
27 Шілде, 2024
Қазір қоғамды алаңдатып отырған өзекті мәселе – ұрпақ яки бала тәрбиесі. Бұған ел ертеңін ойлаған әрбір азамат бейжай қарамайды. Президент Қасым-Жомарт Тоқаев әрдайым ұрпақ тәрбиесіне жауапты болуды жүйелі ескертіп-ақ жүр. Мұны Ұлттық құрылтай мінберінен де айтты. Бір сөзінде: «Өскелең ұрпақтың тәрбиесі – өте маңызды мәселе. Ашығын айтсақ, қазір жас ұрпақ әлеуметтік желі арқылы тәрбие алып жатыр. Баланы дұрыс бағытқа бұрып, жол көрсетіп отырмасақ, бұл – өте қауіпті үрдіс», деген-ді. Осы жағынан келгенде, бар салмақ ата-анаға түседі. Өйткені бала тәрбиені алдымен отбасында алады. Отбасында не көрді, не түйді – соны бойына сіңіреді. Бұл ретте сан ғасыр жалғасып келе жатқан ұлттық тәрбиеміздің рөлі зор. Елдік тәрбиенің қайнарына қанып өскен өреннің танымы да терең. Әсіресе қазақ отбасында ата-әже, әке-шеше, бауыр деген ұғымдардың орны бөлек. Қоғам, уақыт өзгерді дегенімен, ұлттық тәрбиеден ажырамаған жөн. Бұған өз ұлтының дәстүрі мен болмысын сақтаған әлем елдерінен көп мысал келтіре аламыз. Сонымен қатар Президенттің «Адал адам» тұжырымдамасы да хакім Абайдың «Толық адам» ілімімен үндеседі. Осы ретте біз бүгін қазіргі жас ұрпақты адалдыққа, тазалыққа, еңбексүйгіштікке қалай тәрбиелейміз, сондай-ақ қоғамдағы ысырапшылдық секілді келеңсіз көріністерді қалай тоқтатамыз деген мақсатпен дөңгелек үстел мәжілісін ұйымдастырып, оған елімізге танымал тұлғалар – тарих ғылымдарының докторы, профессор Өмірзақ Озғанбай, белгілі дипломат, филология ғылымдарының докторы, профессор Әділ Ахметов, ардагер-журналист Сайраш Әбішқызы, мемлекет және қоғам қайраткері Жәнібек Кәрібжанов, Қазақстанның Еңбек Ері Сайран Бұқанов, қоғам қайраткері Шалатай Мырзахметов секілді азаматтарды шақырдық.
27 Шілде, 2024
«Comic Con Astana»: Креативті ойлар керуені
Күні кеше ғана ел астанасында халықаралық «Comic Con Astana» фестивалі басталды. Комикстер, кинематография, видео ойындар, аниме және гик-мәдениеттің өзге де бағыттарына арналған дода биыл үшінші рет ұйымдастырылып отыр. «ЭКСПО» халықаралық көрме орталығында өтіп жатқан Орталық Азиядағы ең ірі әрі танымал, ерекше форматтағы фестивальға халықаралық студиялар, продюсерлер, танымал блогерлер мен кәсіби косплей суретшілері, сондай-ақ Голливуд жұлдыздары да арнайы ат басын бұрған.
27 Шілде, 2024
Егер қажет деп тапсаңыз, уақытты «тоқтатып қоятын» бір жер бар. Қазір уақыт қарбалас болса да, өзіңмен-өзің қалып, ішіңе үңілетін орын қалса, ол кітапхана шығар. Бізде ғана емес, әлемдік ахуал солай. Ал кітапханаға кірсең, кеңістік басқа. Байыздап, өзімен-өзі кітап оқып отырған оқырмандарға қарап сүйсінесіз.
27 Шілде, 2024
Садақшылар үздік нәтиже көрсетті
Кеше кешке XXXIII жазғы Олимпия ойындарының ресми ашылуы өтті. Париж төрінде Мемлекеттік Туды Асланбек Шымбергенов пен Ольга Сафронова ұстады.
27 Шілде, 2024
Өмір бойы аңсаған арманыма қол жеткіздім. Тәубе, ал әрі қарай не істеу керек? Енді не нәрсеге ұмтылып өмір сүремін? Бұл – чемпиондық тұғырды бағындырғаннан кейін көптеген спортшының бас ауруына айналатын сұрақтар. Өкінішке қарай, көбі бұларға жауап таппай, өмірден баз кешіп кетеді.
27 Шілде, 2024
Жуықта кезекті еңбек демалысына шығып, кіндігім кесілген Бай-Өлкеге бардым. Әдеттегідей аймақтық музейге бас сұқтым. Төрде тұрған алып домбыра бірден көзге шалынды.
27 Шілде, 2024
Семейдегі апатты ЖЭО-ның жай-күйі тексерілді
Премьер-министр Олжас Бектенов Абай облысына жұмыс сапары барысында Семей қаласындағы апатты ЖЭО жаңғырту барысын бақылап, инженерлік инфрақұрылымның жай-күйін және жылу беру кезеңіне дайындығын тексерді, деп хабарлайды Egemen.kz.
26 Шілде, 2024
Бүгін Олимпиаданың ашылу салтанаты тікелей эфирде көрсетіледі
XXXIIІ Жазғы Олимпиада ойындарының ашылуы бүгін тікелей эфирде көрсетіледі, деп хабарлайды Egemen.kz.
26 Шілде, 2024
Боксшыларымыздың Олимпиададағы алғашқы қарсыластары белгілі болды
25 шілде күні бокстан Париж Олимпиадасының жеребе тарту рәсімі өтті. Осылайша боксшыларымыздың олимпия ойындарындағы алғашқы қарсыластары анықталды, деп жазады Egemen.kz.
26 Шілде, 2024
Биылғы көктем атыраулықтар үшін оңай болған жоқ. Қызылқоға ауданының аумағымен ағатын Ойыл, Сағыз, Ноғайты өзендері арнасынан асты. Әсіресе, Ойыл өзенінен бірнеше елді мекенге қауіп төнді. Су басу қаупін сейілту үшін жол жырылып, Миялы, Қарабау, Қоныстану, Тайсойған секілді елді мекендерді тасқын судан қорғау үшін бөгет тұрғызылды.
26 Шілде, 2024
Өткен жылғы күзде Нарынқолда игі бір іс-шара болып өтті. Ол – жазушы-драматург, Мемлекеттік сыйлықтың лауреаты Баққожа Мұқайға орнатылған ескерткіштің ашылу салтанаты еді. Жиын басталарда аудан әкімінің орынбасары Нұрбол есімді жігіттің: «Сіз сөйлеуіңіз керек. Дайын тұрыңыз» деген сөзін естігенде селт ете түстім. Іле бойымды тез жинап алып, ойыма тілге тиек етерлік жайттарды түсіруге тырыстым. Бұлар тума талант өмірден өткен 15 жыл ішіндегі есімі ел есінде қалса екен деген ниетпен ізбасар інілері біздің жүзеге асыруға ұмтылған тірліктеріміз еді. Соның нәтижесінде Алматыдағы Баққожа аға тұрған үйге ескерткіш тақта орнатылып, осы қаладағы бір көшеге аты берілді.
26 Шілде, 2024
Әйгілі қобызшы, ұлт өнерінің қайраткері Дәулет Мықтыбай (1904-1976) – қазақ музыка мәдениеті тарихына есімі алтын әріппен жазылатын тұлға. Ол – Қорқыт (VII-VIII ғасыр), Қетбұға (XII ғасыр), Қойлыбай (XVII-XVIII ғасыр) сынды қобызшылардан үзілмей жалғасып келе жатқан мың жылдық дәстүрді жаңғыртып, ұрпаққа жеткізген, осы музыка саласын ұлттық консерваторияда биік деңгейге көтерген біртуар.
26 Шілде, 2024
Бүгін Париж Олимпиадасы басталады
Бүгін Францияның Париж қаласында ХХХІІІ жазғы Олимпиада ойындарының алауы тұтанады. Ел спортшылары дербес делегация ретінде жазғы Олимпиада ойындарына сегізінші мәрте ат байлап отыр.
26 Шілде, 2024
Қорғаныс министрлігіне қарасты Радиоэлектроника және байланыс әскери-инженерлік институтында талапкерлердің оқуға құжат тапсыру үдерісін жеңілдету және күту уақытын қысқарту үшін QR-коды арқылы тіркеу жүйесі енгізілді.
26 Шілде, 2024
Түзеу мекемесіндегі жиһаз өндірісінде жалдамалы жұмыс істейтін алты әйел әдеттегідей таңертеңгі ауысымнан кейін киім ауыстыра бастаған. Кенеттен үш сотталушы әйелдің бөлмесіне тап беріп, жұмысшыларды тұтқынға алады. Жарты метрлік пышақ рәуіштес өткір затпен қаруланған олар мекеме басшылығынан қомақты ақша және қару-жарақ, одан кейін әуежайға дейін жеткізетін «Рафик» көлігін беруді талап етеді. Айтқандарына көнбесе, кепілге алынған әйелдерді аяусыз қынадай қырып салатынын айтып, есікті іштен тарс жауып алады.
26 Шілде, 2024
Оралда атом электр стансасын салу жоспарын талқылаған жиын өтті. Жария талқылауға жергілікті мәслихат депутаттары, атқарушы билік, қоғамдық кеңестер, табиғат қорғау ұйымдары өкілдері, энергетика сала_сындағы жетекші мамандар, ғалымдар мен белсенді тұрғындар қатысты.
26 Шілде, 2024
Баламалы энергия көздеріне деген қызығушылық жылдан-жылға артып келеді. Энергияға қоса экология мәселелерін шешуге де қабілетті жоба Ұлытау облысында қарқынды дами түсті. Қазір облыс бойынша бұл бағыттағы бірнеше жоба жүзеге асырылып жатыр.
26 Шілде, 2024
Жетісулық диқандар алғашқы өнімін ала бастады. Жауын-шашынның көптігінен биыл шаруалар бидайдың бітік шыққанын айтып жүр. Бұл мал бордақылап отырған кәсіп иелерін де қуантып отыр. Себебі жемшөп бағасы былтырғыдан едәуір арзан. Ал егін басындағы тәтті түбірдің де томпиып қалғанын көзбен көруге болады. Биыл қожалықтар қоңды, ауа райы жайлы көрінеді.
26 Шілде, 2024
Туған жердің төсіндегі Алаштың ақ бесігі – ауылдың керегесі кеңіп, іргесі бекуі азаматынан деген ой түйсек, қателеспес едік. Шалғайдағы Байдалы – перзенттерінің арқасында бағы жанған елді мекен.
26 Шілде, 2024
