Қазақстандық кәсіпқой боксшы қыз Фируза Шәріпова кіші Флойд Мэйуезердің бокс академиясында жекпе-жек алдындағы ашық жаттығуын өткізді.
Қазақстандық боксшының кезекті қарсыласы 22 жастағы ресейлік Юлия Чернобородова болатыны кеше ғана белгілі болды. Ал ұрыс 4 наурыз күні Мәскеуде өтеді.
Фируза Ресей астанасындағы «Бокс академиясында» Сергей Кубышевтің қол астында соңғы бірнеше апта бойы дайындалды.
Айта кетейік, қазақстандық боксшының алдағы кездесуі титулдық жекпе-жек болуы тиіс еді. Бірақ менеджері Сергей Завилейский екеуі рейтингтік айқас өткізуді жөн көріпті. Дегенмен де ол Астанадағы ЭКСПО көрмесінде ұйымдастырылатын бокс кешінде әлем чемпиондығы атағы үшін сынға түсуі мүмкін.