Еліміздегі ең ірі әрі байырғы әскери құрылым

Міне, осындай сабақтастықты жалғап келе жатқан Қазақстан Республикасы Қарулы Күштерінің «Шығыс» өңірлік қолбасшылығы үнемі алдыңғы орындардан көрінуде. Тәуелсіздіктің 25 жылы ішінде бұл қолбасшылықты генерал-лейтенант Федор Щербаков, генерал-лейтенант Бақытжан Ертаев, генерал-полковник Сәкен Жасұзақов, генерал-лейтенант Николай Поспелов, генерал-майор Василий Рысбаев және тағы бас­қалар басқарып, Семей қа­ла­сында абыроймен қызмет ете біл­ді. Осы қолбасшыларға Ел­ба­сының тапсырмасымен Тәу­елсіз Қазақстанның қуатты армиясын жетілдіру жұмысы тапсырылды. Олар өз міндеттерін абыроймен атқарды.

– Сардарлар мен сарбаздардың айтулы легін дайындай білген осынау білікті басшылардың тәрбиесінен шыққан азаматтар бүгінде Қазақстан Қарулы Күш­терінің жетекші, басшылық қыз­меттерінде жүр, – дейді «Шығыс» өңірлік қолбасшылығы әске­р­лерінің қолбасшысы, генерал-май­ор Нұрлан Қашағанов. – Тә-

у­ел­сіздіктің 25 жылында жеткен же­тістіктеріміз ауыз толтырып ай­тар­лықтай. Қатарынан төрт жыл бойы Құрлық әскерлері арасында бірінші орын алып отырмыз. Қорғаныс министрі, генерал-полковник Сәкен Жасұзақов Қарулы Күштердің әскери мәжілісінде 2017 оқу-жаттығу жылын «Қарулы Күштердің 25 жылдығына – жоғары жауынгерлік дайындық!» ұранымен өткізуді ұсынды. Мұ­ның бәрі де ел қорғанысы қамында ат­қарылып жатқан жұмыстар. Біз­дің мемлекетімізді қорғау – ма­ңызды іс. Әскери борышын өтеу­­ші әр жауынгер өз міндетіне жа­у­ап­кершілікпен қарауы керек. Ал иығында погоны бар әскери жа­у­апты азаматтардың бойында пат­­риоттық сезім, туған жерге, Отан­ға деген құрмет міндетті түр­де болуы шарт.

«Шығыс» өңірлік қол­бас­шы­лығы өзінің әскери дай­ын­дық­тарын күн санап артты­ра түсуде. Жақында 28738 әскери бөлімінің жауынгерлері артиллериялық дивизия ретінде тапсырмаларға сақадай-сай әзірліктерін көрсетті. 220 әскери қызметші мен 39 әс­кери міндетін өтеуші сарбаз «ұрыс алаңына» 2А36 маркалы 5 техниканы, 3 оқтаушы көлікті жә­не тағы басқа да қажетті техни­ка­ларды шығарды. Бұл әскери бө­лімде жауынгерлер өздерінің біліктіліктерін үнемі шыңдап тұ­рады. Әскери борышын өтеуші сар­баздар теориялық жағынан алған білімдерін тәжірибемен ұштастырады. Ал дивизион ма-

йорлары Жалғасбай Исмұхамбетов, майор Нұрлан Апсатаров, капитан Жалын Құрмашев, капитан Фархат Тойчин жауынгерлердің дайындығына әркез ерекше мән береді.

Тәжірибені жетілдіру, білік­тілікті арттыру қашанда маңыз­ды. Жақында «Шығыс» өңірлік қол­басшылығына қарасты әскери бө­­лімдер мен құрамалар ба­та­льон­дарында сержанттардың ко­ман­­дирлік дайындығы жөнінде жи­ын өтті. Мұнда сержанттардың әс­кери шеберлігі, дайындығы пы­сықталды. Сондай-ақ, «Шы­ғыс» өңірлік қолбасшылығы сержанттарының жұмыс әдіс-тә­сіл­де­рі мен озық тәжірибелерін жан-жақты тарату мақсаты да назардан тыс қалған жоқ. Жауынгерлік әзірлік жөнінде сабақ жүргізудің әдісі мен сапасына басты назар аударылды. Жиынның басым бөлігі 44793 және 28738 әскери бө­­лімдерінің оқу базасында және «Шығыс» жалпы әскери полигонында өтті.

«Шығыс» өңірлік қол­бас­шылығы сержанттар құрамы­мен жұмыс жөніндегі топтың нұс­қаушы-сержанты Нұрболат Оқа­совтың айтуынша, батальондар (дивизиондар) сержанттарының командирлік дайындығы жөнінде жиын олардың білімін тексеріп, кәсіби әзірлік деңгейін көтеру үшін аса қажет. Сержантқа күт­пе­ген түрлі жағдайларда шешім қа­былдай білу керек. Сонымен бір­ге, саптық дайындық, дене да­яр­лығы мен кәсіптік тәртіпке қа­тысты 100 сұрақтан құралған бі­рыңғай әскери-кәсіби тест тап­сыру да сержанттардың жау­ап­кер­шілігінде.

Орталығы Семейде орна­лас­­­қан «Шығыс» өңірлік қо­л­­­-

бас­шылығының тірлігі қызу әрі қар­қынды. Жақында Аягөз­де­гі Майлино полигонында 10810 әс­ке­ри бөлімінің әскери жау­ын­гер­ле­рі Т-72 танкінің қа­ру-жа­рағынан ны­санаға дәл тигізіп ату­дан жат­ты­қ­ты әрі сайысты. Штаттық ату­дан 3-ші танк батальонының же­­­к­е құрамы Е.Әубәкіровтің бас­шы­­­лы­ғы­мен үздік деп танылды. Сон­­дай-ақ, 6-шы танк ротасы да олар­­дан қалыспады. Танк эки­п­а­ждарының ішінде аға лей­те­на­нт К.Кенжеғұлов, аға сержа­нт К.Әзілқиясов және танк эки­па­жының командирі лейтенант Е.Құдайбергенов, 3 дәрежелі опе­ратор сержант Ж.Қамбаров жарыстың үздіктері деп танылды. 

«Шығыс» өңірлік қолбас­шы­лы­ғындағы жауынгерлердің бір-бі­ріне деген қарым-қатынасы ерек­ше, сыйластықтары жоғары. Жа­ңадан келген сарбаздарды ке­мсітпей, тең дәрежеде ұс­тап, оларға білгеніңді үйрету – бекітілген қағида. Осыған орай, жақында Қазақстан Рес­пуб­ликасының Бас әскери проку­ро­ры Ерғали Мерзадинов Өс­ке­мен гарнизонының әскери қыз­метшілерімен кездесті. Өскемен гарнизонына қарасты әскери құрылымдар мен бөлімдердің командирлерімен біріктіріліп өткен жиында Қарулы Күштер мен бас­қа да әскери құрылымдарда құқық бұзушылықтың алдын алу жөніндегі 2016-2018 жылдарға арналған ведомствоаралық бағ­дар­ламаның барысы тал­қы­лан­ды. Гарнизондағы әскери қызметшілерді әлеуметтік жағы­нан қамтамасыз ету мен құқық тәр­тібінің жағдайы ерекше қа­ралды.

Бас әскери прокурор Е.Мер­за­динов басты назар заң­­дылық пен құқық тәртібін сақтауға ауда­рылуы керектігін айрықша атап өтті. Ал Семей өңірлік гар­ни­зонындағы Әскери полиция жасағы бастығының тәрбие және идеологиялық жұмыстар жөніндегі орынбасары, подпол­ковник Дархан Шаянбаев жұ­байлары әскери қызметтегі немесе өздері де әскери жауапты қызметтегі ханымдармен дөң­ге­лек үстел өткізді. Жиында әйел­­дер кеңесінің төрайымы Ләззат Бөрібекқызы әскери отба­сы­лардың берік болуы, осындай жау­апкершілігі мол жұмыста жүр­се де, ана мен әке болып, от­ба­сына қамқорлық жасауға да бай­ланысты екенін атап айтты. Әрине, енді ғана отбасын құрған жастарға қамқорлық қажет екені түсінікті. Сондай-ақ, көп балалы әскери отбасыларына, әскери қызметшілердің жесірлеріне де жәрдем көр­се­тіліп тұруы керек.

Жиында «Өз тағдырың өз қо­лыңда», «Барлық мәселенің ше­шуі бар», «Қызметтесіңе сен, ол са­ған аға және бауыр!», «Өз-өзіне қол салудың отбасына әкелетін қасіреті» тақырыбында баяндамалар жасалды. Подполковник Дархан Шаянбаев жыл он екі ай ұйымдастырылатын іс-шара­лар әскери қызметшілер мен олар­дың отбасының моральдық-пси­хо­логиялық жай-күйін анықтап, оны қалыпты жағдайда ұстауға сеп­тесетінін және бұл іске үлкен көмек көрсетіп келе жатқан әйел­дер кеңесінің жұмысына риза екендігін айтты. Өйткені, қаз­ақ халқы айтатындай, «Отан от­басынан басталады». Ал жау­ап­кершілігі мол жұмыста жүрген кез келген әскери адамның ту­ған жерге деген құрметі мен пат­ри­оттық сезімі, оның рухани кү­ші­не тікелей байланысты болатыны сөзсіз. 

Міне, осы бағыттағы ауқымды жұ­мыстар бұл күндері «Шығыс» өңірлік қолбасшылығында атқа­ры­лып келеді.

Раушан НҰҒМАНБЕКОВА, журналист

СЕМЕЙ

Суретті түсірген автор