Халықаралық теннис федерациясының штаб-пәтері орналасқан Лондонда (Ұлыбритания) теннистен Федерация кубогының плей-офф кезеңіне жеребе тарту рәсімі өтті.
Жеребеге сәйкес, Қазақстан құрамасы Федерация кубогының келесі жылғы іріктеу кезеңіне қатысу үшін Аргентина теннисшілерімен шеберлік сынасады. Кездесу алдағы сәуір айының 17-18 күндері өтеді. Әзірге бәсекенің қай жерде өтетіні белгісіз. Қазақстан мен Аргентина құрамалары бүгінге дейін кездеспеген.
Айта кетейік, Қазақстан құрамасы өткен аптада Федерация кубогының биылғы іріктеу кезеңіне қатысып, Бельгия құрамасынан 3:1 есебімен жеңіліп қалған болатын.