Елордада Cotton киім-кешек дүкенінен өрт шықты, деп жазады Egemen.kz.
Бүгін сағат 08:54-те Нұр-Сұлтан қаласы ТЖД Өрт сөндіру қызметіне Мәңгілік ел 19/1 даңғылындағы өрт туралы хабарлама келіп түсті.
«Өрт сөндіру бөлімшелері келген кезде «Cotton» дүкенінде өрт шыққаны анықталды. Өрт орнында жеке құрамнан 22 адам және 4 техника жұмыс істеді», деді қалалық ТЖД.
Өрт 09.22-де ауыздықталды. Қаза болғандар мен зардап шеккендер жоқ. Өрттің шығу себебі анықталуда.